Para dy vjetësh, kur mori detyrën, kryetari i Bashkisë së Tiranës miratoi rritjen e çmimit të biletave të transportit urban, ndërsa këto ditë, së bashku me Këshillin Bashkiak, vendosën rritjen e çmimit të ujit të pijshëm.

Akademia mbretërore e Spanjës njofton së fundmi planin për krijimin e një dege judeo-spanjolle në Izrael që do t’i bashkëngjitet 23 degëve ekzistuese akademike që i dedikohen gjuhëve spanjolle- dialekteve – në Amerikën Latine. Drejtori I Akademisë, Dario Villanueva e ka përshkruar dialektin judeo-spanjoll, quajtur Ladino, si një “fenomen historik dhe kulturor jashtëzakonisht të rëndësishëm”.

Në Greqi politika ka shpikur së fundmi një debat të ri që prek një traditë të gjatë të festimeve të ditëve kombëtare të vendit. Me anë të një dekreti të presidentit Pavlopoulos, rregulli I mbajtjes së flamurit kombëtar grek nga nxënësit më të dalluar të shkollave, është ndryshuar. Këtej e tutje nxënësit që do të mbajnë flamurin do të zgjidhen me short. Gazeta konservatore “Kathimerini” shkruan se një arsye që është bërë kjo ndërhyrje është ardhja e imigrantëve pas vitit 1990 dhe përzgjedhja e detyruar në disa raste e fëmijëve të tyre si flamurmbajtës për shkak të rezultateve.

Deklasifikimi nga Arkivat Kombëtare Amerikane javën e kaluar i mijëra dokumenteve sekrete lidhur me vrasjen e ish-presidentit amerikan John Kennedy ngrenë pyetje befasuese mbi me atë që zyrtarët e lartë të CIA dinin përveç versionit zyrtar të vrasjes dhe kur ata i mësuan këto detaje. Kennedy u vra në 22 Nëntor të 1963 gjatë turit në Dallas. Ai ishte në limuzinë bashkë me bashkëshorten Jasquelin (Jackei) Kennedy kur u qëllua me një plumb në qafë dhe një në kokë. Për këtë ngjarje u arrestua Lee Harvei Oswald, i cili u vra në mënyrë misterioze para se të merrej në pyetje.

Bashkia e Kamzës ka shpërndarë të enjten një njoftim me titullin: Kamëz, s’ka pushime për Xhelal Mziun, vazhdon në krye të punëve, inspekton punimet në infrastrukturën rrugore. Më tej thuhet se “pas inspektimeve në rrugën “Elez Isufi” në lagjen nr. 1 Bathore, një rrugë me të gjitha standardet, kryebashkiaku Mziu ka vijuar turin e inspektimeve në të tjera investime të Bashkisë, që vijojnë të realizohen ditë pas dite, edhe pse është sezon veror dhe temperatura maksimale”.

Me kerkese te Prokurorise se Vlores, gjykata caktuar masen e sigurise "arrest me burg" per kryeinspektorin e Mbrojtjes se Territorit, Bashkia Vlore, Kledjon Rama, i dyshuar per "shperdorim detyre". 
Nga hetimet e kryera ka rezultuar se, në Prokurorinë pranë Gjykatës së Shkallës së Parë Vlorë, vetëm për gjashtë muajt e parë të vitit 2017, janë referuar dhe regjistruar në regjistrin e veprave penale 81 (tetëdhjetë e një ) materiale për veprën penale të shkeljes së ligjshmërisë dhe standarteve teknike ne fushën e ndërtimit dhe urbanistikës, si dhe të evidentojë çdo ndërtim pa leje.

30 vjet për të hyrë në BE? Nuk duken shumë po të krahasosh periudhën e diktaturave në Ballkanin Perëndimor. Kaq vite caktoi zyrtari amerikan Brian Hoyt Yee për anëtarësimin e vendeve si Shqipëria, ndonëse ky afata do të thotë edhe një brez njerëzish. Do të thotë që ata që e ëndërruan Europën të mos e shohin dot atë, ndërkohë që ata që mund ta prekin, ndoshta nuk e kanë parë atë si ëndërr.

Edi Rama na thotë mirëmëngjes. Por edhe Erjon Veliaj e ka nisur këtë zanat. Të dy harrojnë të na thonë natën e mirë, por të paktën na kënaqin sytë me foto të bukura. Vetëm se Veliaj, nga ëndrrat që ka për Tiranën, ndodh që ta ngatërrojë me ndonjë vend tjetër. Të paktën këtë vërejtje ja bëjnë në Facebook me një foto që ai e di në Tiranë, ndërkohë që siç duket është në një kontinent tjetër. Sigurisht që po të klikoni linkun që ju çon në profilin e Veliajt, ku ishte postuar foto, ajo nuk ekziston më.  Sepse që Tirana të bëhet SHBA duhet edhe një mandat tjetër…

Një nga gjërat që e dallon politikën amerikane, apo atë të disa vendeve kryesore apo jo, është kultura e marrëdhënieve me publikun. Të cilës i kushtohet shumë rëndësi, aq sa zëdhënësat dhe këshilltarët dalin në konferenca për shtyp dhe u përgjigjen një sërë pyetjesh. Këtë praktikë e ka përforcuar shumë së fundmi edhe një vend si Rusia apo Kina, çka na provon se ndonëse jetojmë në epokën e komunikimit, asgjë nuk e zëvendëson kontaktin njerëzor. Madje konferencat për shtyp janë një mundësi për të korrigjuar të famshmet fake neës, për të izoluar rrugën e përhapjes së tyre.