Arnaud Ardoin zbulon në librin e tij me titull "President, nata sapo ka rënë” detaje tronditëse të jetës seksuale të ish-presidentit francez, Jacques Chirac dhe orgjive të organizuara për nder të tij dhe zyrtarëve të tjerë të njohur. Sipas librit, gratë të zhveshura viheshin në radhë për të bërë seks me Jacques Chirac.

Ai kishte marrë nofkën "treminutëshi në dush" për shkak të seksualitetit intensiv. "Mësynte gratë dhe kryente marrëdhënie seksuale pa profilaktik. Për shkak se koha ishte e shkurtër ai vinte sasinë përpara cilësisë"-shkruan Arduan.

Ende pa nisur mirë, marrëdhëniet SHBA-Kubë kanë marrë goditje. “Associated Press” njofton se SHBA po paralajmëron qytetarët e vet të bëjnë kujdes gjatë vizitave në Kubë teksa ka urdhëruar më shumë se gjysmën e personelit diplomatik të largohet nga ishulli. Arsye e këtij zhvillimi janë ato që SHBA i quan “sulme specifike” ndaj personelit diplomatik, që konsistojnë në probleme shëndetësore të vazhdueshme dhe të padiagnostikueshme deri më tani. Po kështu SHBA ka ndërprerë lëshimin e viziave për një afat të pacaktuar dhe për qytetarët kubanë viza do të lëshohet nga vendet fqinj.

Ministri i Jashtëm boshnjak, Igor Crnadak ka bërë një deklaratë kategorike për mosnjohjen e pavarësisë së Kosovës. Ai është shprehur për këtë çështje për agjencinë “Fena” të cilës i ka zbuluar se kërkesa për njohje i është bërë nga kryeministri I ri kosovar, Ramush Haradinaj.

“Çështja e pavarësisë së Kosovës as nuk do të konsiderohet brenda fundit të këtij mandate të Këshillit të Ministrave”, tha Crnadak.

Kryeministri Edi Rama ka zhvilluar sot një takim me përfaqësues të biznesit të cilët i ka lëvduar dhe u ka premtuar se ndaj subjekteve të tyre nuk do të ketë më asnjë gjobvë deri sa të bëhet ristrukturimi i inspektoriateve.

Agjencia Bullgare e Lajmeve raporton sot se kryeministri i vendit, Boyko Borissov, ka zhvilluar një telefonatë me homologun e tij shqiptar, Edi Rama, përmes të cilës ka kërkuar respektimin e të drejtave të minoritetit kombëtar bullgar në Shqipëri, sipas standardeve ligjore ndërkombëtare.

“Biseda mori shtysë nga një ligj që synon mbrojtjen e të drejtave të pakicave që u hartua nga qeveria shqiptare. Borissov tha se ai priste që legjislacioni të përfshinte parashikimin për mbrojtjen e të drejtave të minoritetit bullgar”, raporton agjencia shtetërore bullgare.

Një skicë karboni e quajtur Monna Vanna, gjetur në njëkoleksion arti në Francë, në muzeun e Palace de Chantilly, mendohet se është një variant i Mona Lisas së Leonardo Da Vinçit. Eksperët mendojnë se të paktën një pjesë e skicës është realizuar nga Leonardo. Mona Lisa, njohur edhe si Giocona, menedohet se u porosit nga tregëtari fiorentin Francesco del Giocondo si portret për gruan e tij, Lisa Gherardini.

Zhvillimi i robotëve dhe inteligjencës artificiale po aktualizon edhe potencialin kërcënues të tyre për mbarë botën. Megjithë të mirat e këtij hapi të madh teknologjik dhe jo vetëm, rreziqet e prezantimit të këtij “lloji” të ri në mjedisin njerëzor, ka patjetë implikime të mëdha. Për këtë arsye. OKB-ja ka themeluar në Hollandë një qendër për monitorimin e inteligjencës artificiale, me synim parashikimin e kërcënimeve të mundshme.

Kërcënimi terrorist i brendshëm në Shtetet e Bashkuara të Amerikës barazohet me atë të përfaqësuar nga Shteti Islamik. Drejtori i Byrosë Federale të Hetimit, Chris Wray deklaroi para Senatit se numri i çështjeve nën hetim që tratojnë akte të terrorizmit të aktorëvë të brendshëm në SHBA arrin në 1000. Po kaq është sipas tij edhe numri i çështjeve që lidhen me Shtetin Islamik. Ndërkohë sipas kreut të FBI-së, vetëm vitin e fundit në SHBA janë arrestuar 176 persona të akuzuar për akte terrori motivuar nga synime të brendshme politike.

Autoritetet fetare në Malin Atos në Greqinë e Veriut kanë refuzuar kërkesën për një vizitë të kryeministrit grek, Alexis Tsipras në Karyes, qendrën administrative të shtetit monastik. Sipas tyre, Tsipras e ka deklaruar veten si ateist ndaj edhe vizita e tij në cilësinë e drejtuesit të qeverisë greke është refuzuar. Në deklaratë shtohet se Tsipras mund të vizitojë zonën si qytetar privat. Deklarata nxjerr zbuluar me një gënjeshtër minimale kryeministrin grek dhe zyrën e tij të shtypit që kishin deklaruar më parë se vizita u anullua për shkak të mbingarkesës me punë të kreut të qeverisë.

Privatësia po pëson erozionin më të madh, ndonëse, apo pikërisht pse jetojmë në kohën e lirisë së informacionit. Një rregullore e re e publikuar në Regjistrin Federal të SHBA, parashikon se Departamenti i Sigurisë së Brendshme, ka të drejtë të mbledhë të dhënat e hedhur në mediat sociale për/nga emigrantët, qoftë atë me leje të përhershme, qoftë ata të natyralizuar.