Referendumi i kurdëve të Irakut, ku 93% e pjesëmarrësve u shprehën pro pavarësisë së rajonit deri më tani autonom, ka krijuar një gjendje tensioni dhe pasigurie. Në planin ndërkombëtar deri më tani vetëm Izraeli e ka njohur aktin e kurdëve, ndërkohë që të paktën tre shtete të rajonit, Turqia, Irani dhe Iraku, janë shprehur kundër tij. Kjo ka arsyet e veta, pas në të trija këto shtete, ka popullsi kurde që mund të kërkonnë t’i bashkohen pjesës tjetër që ka votuar. Dhe që këtej probleme serioze do të lindnin në të tri vendet. 

Bashkia e Tiranës shënon rekord të ardhurash nga gjobate e automjeteve. Vetëm në 2016-ën drejtuesit e automjeteve kanë paguar rreth 3 miliardë lekë. Ndërkohë e kundërta ka ndodhur me taksat ku bashkia ka mundur të mbledh në masën 50%.

TemaTv

Lidershipi i Edi Ramës po gjen vend tashmë edhe në palestrat e qyteteve. Me iniciativë të kryebashkiakut të Tepelenës, Tërmet Peçi, imazhi i Edi Ramës si ikonë e basketbollit shqiptar është përjetësuar në një prej mureve të palestrës.  Pas xhiros që bëri në rrjetet sociale ky lajm, kryebashkiaku Peçi është detyruar të japë një shpjegim.
Ai shkruan se palestra po dekorohet me foto sportistësh të shquar që kanë një lidhje me Tepelenën, Agim Fagu, Lefter Shkëmbi, Shpëtim Mellara , Strakosha, Igli Tare, Muhedin Targa, etj.

Pjesë nga postimi i Peçit:

Ambasadori amerikan është shfaqur jo pak optimist me situatën si po shkojnë gjërat në Shqipëri.

Në një takim me të rinjtë në Rrëshen ai foli për ndryshime të mëdha që po vijnë për vendin tonë. Duke bërë për një paralelizëm mes Kalifornisë dhe Rrëshenit, Lu kërkoi nga të rinjtë që të këmbëngulin për liritë personale, ashtu siç ndodh në SHBA.

Deputeti i Lëvizjes Vetëvendosjes, Frashër Krasniqi u ndalua dhe ndodhet në paraburgim pas përplasjes fizike që pati gjatë një debati televiziv me deputetin e Nismës, Milaim Zeka. Dy deputetët ishin ftuar në emisionin “Info Magazine” në Klan Kosova, kur debati precipitoi në sharje dhe fyerje me tone të larta. Deputeti i “Nismës”, Milaim Krasniqi dëgjohet duke i thënë përdhunues kolegut të Vetevendosjes, i cili shpërtheu më pas me grushta ndaj Krasniqit. Një nga rastte kur dhuna serviret si kulturë politike, madje dhe live në televizion.

Një tjetër bashkëpunëtor i presidentit amerikan Donald Trump lë detyrën. Bëhet fjalë për ministrin e Shëndetësisë Tom Price, i cili  dha dorëheqjen pas presioneve të Donald Trump dhe kritikave të ashpra lidhur me kostot e udhëtimeve me avion privat për kryerjen e detyrave të tij.

"Kam kaluar 40 vjet si mjek dhe si oficer publik për t'u dhënë përparësi njerëzve. Më vjen keq që ngjarjet e fundit kanë shkaktuar  humbje prej këtyre qëllimeve të rëndësishme "- tha 62 vjeçari në letrën e tij të dorëheqjes.

“Google dhe Facebook janë si Harvey dhe Irma për gazetarinë dhe demokracinë. Duopoli elektronik privon milionë njerëz nga informacioni…”

Ky përcaktim që I atribuohet gazetarit britanik Sir Harold Evans, rrjedh nga politika e këtyre dy gjigandëve të botës së internetit, në menaxhimin, vlerësimin dhe përhapjen e përmbajtjes informative në mbarë globin. Duke ndikuar kështu përmes algoritmeve të veta, specifikimet e të cilave nuk I bëjnë asnjëherë publike, të gjithë audiencën globale dhe opinionbërjen.

SHBA i kërkoi Kosovës t’i japë fund çdo diskutimi për kufirin me Malin e Zi dhe të ratifikojë sa më shpejt marrëveshjen e demarkacionit. Mesazhi u dha nga zv/presidenti Pence gjatë takimit që pati në Uashington me presidentin e Kosovës, Hashim Thaçi.

Partia Demokratike doli nga zgjedhjet e 25 qershorit me 200 mijë vota minus dhe duket se halli i vetëm që ka është të mbetet në lojën e pushtetit, qoftë edhe duke mbajtur qoshen e opozitës. Ajo që kuptohet është se qëndrimet nuk nisen nga premisa demokratike për të vendosur një raport sa më të drejtë të përfaqësimit opozitar në parlament, por nga llogari personale që nisin nga kryetari dhe dhe përfundojnë  deri tek enturazhi që hyri qoftë edhe rastësisht në politikë.

Partia Demokratike do të mbështesë një program tjetër kontrolli të FMN-së mbi qeverinë. Në një takim me shefen e FMN-së për Shqipërinë, Anita Thuludhar dhe përfaqësuesin e përhershëm te misionit në Tiranë, Jens Reinke, Basha tha se  ky program është i nevojshëm për shkak të gjendjes ekonomike dhe projektit korruptiv të koncesioneve.

Sipas kreut të Partisë Demokratike, qeveria ka dështuar me investimet publike, ndërsa  tenderimet kanë përjashtuar nga tregu shumë biznese serioze duke mbledhur paratë publike tek një grusht njerëzisht.