Ministri i Jashtëm i Rusisë, Sergei Lavrov ka akuzuar Washingtonin zyrtar se po kërkon ndarjen territoriale të Sirisë me idenë e krijimit të një gjoja shteti në lindje të vendit. Lavrov ka lëshuar akuzat nga Forumi i Paqes në Paris dhe sipas tij, SHBA po përdor në këtë përpjekje edhe monarkitë e Gjirit Persik.

Genc Pollo është bërë sot i gjallë me një intervistë në gazetën “Panorama”. Ndër të tjera, z. Pollo ka folur edhe për reformën zgjedhore duke shprehur mendimin se ideja e listave të hapura nuk përshtatet me realitetin shqiptar.

Inspektoriati i prishjeve të ndërtimeve të papreferuara të pushtetit ka ndërhyrë që dje në mbrëmje në Unazën e Madhe për të prishur ndërtimet që bllokojnë projektin e këtij aksi. Është një projekt që e nxori qeverinë në dritën e hajdutërisë së shumëpërfolur e që megjithatë nuk është kundërshtuar nga asksush. Banorët kanë kërkuar dëmshpërblim të drejtë dhe për disa mesa duket pas dy vjetësh është dhënë një i tillë.

Presidenti serb Aleksander Vuçiç ka eklaruar pas takimit me homologun francez, Emmanuel Macron se Minishengeni është më i rëndësishëm sesa tërheqja e njohjeve të Kosovës. Mediat serbe citojnë presidentin Vuçiç, që mesa duket do të riorientojë investimin politik të Serbisë drejt unionit doganor në Ballkanin Perëndimor. Vuçiç ka paralajmëruar gjithësesi se disa vende kanë për të dalë kundër kësaj nisme.

Ministrat e Jashtëm të Bashkimit Europian kanë miratuar së fundmi një mekanizëm që mundëson vendosjen e sanksioneve ndaj personave dhe bizneseve turke. Sanksionet që mund të vendosen me këtë mekanizëm përfshijnë kufizim udhëtimesh, ngrirje të llogarive bankare dhe përjashtim nga e drejta për transferim fondesh nga BE-ja.

Shkak për vendimin është bërë shkelja e Zonës Eksluzive Ekonomike të Qipros për të cilën Ankaraja zyrtare ka bërë të qartë se nuk e njeh në formën dhe sipërfaqen që e pretendon Nikozia.

Ndoshta përjetojmë një lloj të ri kapitalizmi. Atë teorik dhe voluntarist që ka tregun e vet llafet dhe llogjet. Për ta kuptuar këtë mund të na shërbejë krahasimi. 

SHBA i ka hapur luftë teknologjisë kineze. Huawei qëndron në krye të listës së armiqve të rinj për shkak se sipas amerikanëve pajisjet e kompanisë në fjalë parqesin rrezik spiunazhi dhe vjedhjeje të dhënash. Mirëpo një ndër intelektualët e njohur të mjediseve akademike amerikane, Jeffrey D.

Shtetet e Bashkuara të Amerikës paralajmërojnë Turqinë se do të nënshtrohet ndaj sanksioneve nëse nuk heq dorë nga blerja e sistemit rus S-400. Këshilltari për Sigurinë në Shtëpinë e Bardhë, Robert O’Brien than ë rrjetin CBS se së shpejti në Kongres do të kalojnë akti që e vendos Ankaranë zyrtare nën sanksione dhe sipas tij kjo do të ketë mbështetje bipartizane shumë të madhe.

Agim Kajmaku, kryebashkiaku i Vorës, është shpallur në kërkim nga prokuroria. Sipas Agjencisë Telegrafike Shqiptare për Kajmakun është kërkuar masë sigurimi “arrest me burg” me akuzën e shpërdorimit të detyrës dhe falsifikimit të formularëve. 

Merr fund kështu me turp saga mediatike dhe politike për mbrojtjen e një personi të zgjedhur nga Partia Socialiste më 30 qershor. Denoncimi për të erdhi nga Partia Demokratike që evidentoi se Kajmaku kishte mbajtur një emër tjetër në Greqi, fakt të cilin Kajmaku e mohoi.

Një kronikë e djeshme e TvT-së jep një pasqyrë të qartë të lodrave që bëhen me të ashtuquajturën reformë në drejtësi dhe armën kryesore të saj, vettingun. Një pyetje që shtrohet prej kohësh nga shumëkush është: të gjithë ata prokurorë apo gjyqtarë që dalin nga sistemi për pasuri të pajustifikuar do ta hedhin vetëm me kaq? Pyetja ka të bëjë me faktin se pasuria e pajustifikuar është e palogjshme dhe në abuzim të detyrës dhe më tej, me faktin tjetër se askush nuk po kujtoh