Joe Kent, drejtor i Qendrës së Kundërterrorizmit në SHBA, ka dhënë dorëheqjen na detyra për shkak të luftës në Iran. Të paktën kjo raportohet si arsye nga mediat kryesore që citojnë një deklaratë të Kent në mediat sociale, sipas të cilës:

Ishte e qartë se Irani nuk përbënte një kërcënim iminent për kombin tonë dhe është e qartë se ne e nisëm këtë luftë për shkak të presionit nga Izraeli dhe lobi i tij i fuqishëm amerikan

Mediat në Serbi raportojnë për një takim të kryetares së Parlamentit, Ana Brnabiç me përfaqësues të Komisionit të Venecias lidhur me reformën në drejtësi. Formalisht Komisionit i është këkuar një opinion mbi një paketë legjislative të miratuar më 28 janar që preknin ligjin për Prokurorinë Publike, mbi Këshillin e Lartë të Prokurorisë, Organizimin dhe Juridiksionin e Autoriteteve Shtetërore për Luftën kundër Krimit Kibernetik, Ligjin mbi Gjykatësit, ndarjen territoriale të gjykatave dhe prokurorive.

Izraeli është një fuqi bërthamore edhe pse nuk e ka pranuar asnjëherë një fakt të tillë. Sipas të gjitha hamendësimeve në media, projekti bërthamor izraelit e ka qendrën në Dimona, në shkretëtirën e Negevit dhe ai daton që nga viti 1960, të paktën në formën civile. Në një shkrim të fundit në gazetën “Haaretz”, raportohet se kostot e një operacioni të tillë i mbuloi Gjermania Perëndimore përmes kredive sekrete. Mes viteve 1961-1973 qeveria e Bonit tranferoi në Izrael rreth 5 miliardë euro me kursin e sotshëm. Siç nënvizon gazeta:

Kryeministri polak, Donald Tusk, ka deklaruar se eventualiteti i një daljeje të Polonisë nga Bashkimi Europian, është tashmë një kërcënim real. Sipas tij, presidenti i vendit, Karol Nawrocki dhe opozita e djathtë, po ushqejnë këtë politikë. Në një postim në “X’, Tusk ka deklaruar se do të bëjë gjithçka të ndalë këtë zhvillim të cilin e ka cilësuar si “katastrofë”.

Tusk ka akuzuar se pas një politike të tillë qëndron Rusia, MAGA në SHBA dhe Hungaria e drejtuar nga Viktor Orban.

Kryeministri belg, Bart De Wever, ka bërë thirrje që Bashkimi Evropian të nisë negociatat me Rusinë për t’i dhënë fund luftës në Ukrainë dhe për të normalizuar marrëdhëniet me Moskën. Në një intervistë për gazetën "L’Echo", ai deklaroi se një fitore ushtarake ndaj Rusisë është e pamundur pa mbështetjen e plotë të Shteteve të Bashkuara dhe se konflikti mund të përfundojë me një “ngrirje” të frontit, të ngjashme me situatën mes dy Koreve.

Një grup i mbështetur nga Irani, ka publikuar një sulm me dron në bazën amerikane "Victory" në Baghdad. Shenjë e luftës së re që ka zënë vend tashmë dhe që e bën të pamundur mbulimin propagandistik të saj. 

Pak ditë më parë, kryeministri i Shqipërisë Edi Rama dhe presidenti i Serbisë Aleksandar Vuçiç publikuan një artikull të përbashkët në gazetën gjermane Frankfurter Allgemeine Zeitung (FAZ), ku propozojnë një model të ri integrimi për vendet e Ballkanit Perëndimor: hyrje të përshpejtuar në Bashkimin Evropian, por pa të drejtë vetoje dhe pa të drejta të plota institucionale. 

Ideja e tyre është që vendet kandidate të përfshihen më shpejt në tregun e përbashkët dhe në hapësirën Schengen, edhe nëse nuk marrin të gjitha të drejtat që kanë shtetet aktuale anëtare. 

Në një intervistë të fundit, Lawrence Wilkerson, ish-shef i Kabinetit të Colin Powell, deklaron se brenda 20 vjetëve, Izraeli nuk do të ekzistojë më si shtet. Sipas tij, njohja e Izraelit u kundërshtua që më 1948 nga shtabet amerikane dhe sot ky shtet sipas tij, është kthyer në dobësi strategjike për ShBA. 

Projekti izraelit për Lindjen e Afërme është vetëm një: kaos dhe anari në botën arabe në funksion të dominimit të Jeruzalemit. Ndërkohë që SHBA është e angazhuar me konfliktin në Iran dhe kur presidenti amerikan Trump mburret se ajo që po bën ai nuk është parë kurrë në histori, Beniamin Netanyahu, po vepron në mënyrë më praktike dhe konkrete duke krijuar kushtet për shpërbërje dhe dezintegrim në fqinjët e tij, ndaj të cilëve ka pretendime territoriale.