Përveç Rusisë që flet për “Perëndimin Kolektiv” dhe rënien e tij, tashmë ka nisur të flasë edhe presidenti turk, Erdogan. Në një fjalim të mbajtur në Këshillin e Shtatë Fetar në Ankara, më 26 nëntor, Erdogan citohet të jetë shprehur se:

Progresi i Perëndimit, i ndërtuar mbi gjak, lotë, masakra, genocid dhe shfrytëzim – dhe e theksoj – ka arritur përkohësisht të dominojë qytetërimin hyjnor të Lindjes që ka në bazë njeriun  

Raportimi për zbulimin e rrjetit të pastrimit të parave me origjinë nga Rusia, shtron për diskutim teoriko-praktik(në fakt në Shqipëri nuk ka diskutime për asgjë) një çështje që na prek si vend: si shpjegohet që për ngjarje të këtij niveli që përfaqësojnë aktivitete me kapacitet subversiv të ketë kaq pak jehonë mediatike në Europë dhe në Britaninë e Madhe, ndërkohë që për kalimin e 12 mijë shqiptarëve me gomone dhe për 660 shqiptarë të deklaruar se janë angazhuar në aktivitetin e trafikut të drogës në këtë vend, të pompohet një rrezik gati ekzistencial?

Agjencia Kombëtare kundër Krimit në Mbretërinë e Bashkuar, ka publikuar goditjen e një rrejti ndërkombëtar të pastrimit të parave. Në qendër janë dy kompani me shtrirje globale, Smart dhe TGR, të dyja ruse përmes të cilave elita ruse ka evaduar ndaj sanksioneve perëndimore. Ekaterina Zhdanova dhe George Rossi janë dy personat kyçë të operacionit të koduar “Destabilise” në kuadër të të cilit është zgjeruar edhe lista e personave nën sanksione.

Përmes një raporti prej 296 faqesh, titulluar: A ndjehesh si nënnjeri: Genocidi i Izraelit kundër palestinezëve në Gaza, Amnesty International, i është bashkuar kështu zërave akuzues ndaj TelAvivit zyrtar që vijon luftën që nga 7 tetori 2023.

Kryeministri i Francës, Michel Barnier është rrëzuar pasi partitë e majta dhe të djathta ekstreme bashkuan votuat në mbështetje të një mocioni mosbesimi.

Kjo shënon herën e parë që qeveria franceze rrëzohet në një votë mosbesimi që nga viti 1962. Vota e mosbesimit kaloi me 331 vota dhe deputetët nuk mundën ta votonin kundër, por mund të votonin vetëm pro ose abstenim.

Vatikani ka marrë në dorëzim makinën e parë tërësusht elektrike që do të jetë në përdorim për Papën. Popemobili i është dorëzuar Papa Franccesco nga drejtori i Mercedes-Benz Sten Ola Kallenius që ka deklaruar se:

Çdo detaj është perfekt. Ka marrë qindra orë punë dore për të ndërtuar një pjesë unike si kjo

Vendet anëtare të Bashkimit Europian pritet të shpenzojnë 326 miliardë euro për mbrojtjen në vitin 2024 që përfaqëson 1.9% të Prodhimit të Brendshëm Bruto të unionit. Në viti 2023 BE-ja shpenzoi 279 miliardë euro, duke dëshmuar kështu ndikimin që ka lufta në Ukrainë në buxhetin e mbrojtjes së unionit.

Kreu i Agjencisë Europane të Mbrojtjes, Jiří Šedivý, ka deklaruar se megjithë rritjen rekord dhe përqindjen rekord që ajo përfaqëson në raport me PBB-në, buxheti europian mbetet sërish i dobët krahasuar me SHBA.

Pavarësisht frenezisë mediatike rreth situatës në Kosovë, të paktën një gjë mbetet e qartë: shumica prej nesh nuk e dimë çfarë po ndodh atje. Portalet mediatike raportojnë trashë - sulm terrorist, banda kriminale që synojnë të destabilizojnë rajonin, influencë ruse, dhe lidershipi serb që duket sikur kërkon falje kur mohojnë të kenë gisht në ngjarje. Eksponentë europianë nuk hezitojnë t'i hedhin karburant këtij mekanizmi distopik, duke bërë thirrje për ndëshkim të  fajtorëve, qetësi dhe vetëpërmbajtje. Por fakti mbetet që pakkush e di realisht se për çfarë bëhet fjalë.  

Kina nuk do të furnizojë SHBA-të me galium, germanium, antimon dhe materiale të tjera kyçe të teknologjisë së lartë me aplikime të mundshme ushtarake. Vendimi vjen si kundërpërgjigje pasi Uashingtoni zgjeroi listën e kompanive kineze që i nënshtrohen kontrolleve të eksportit në pajisjet e prodhimit të çipave kompjuterikë, softuerët dhe çipat e memories me bandë të gjerë. Çipa të tillë nevojiten për aplikacione të avancuara.

Covid-19 ka shumë mundësi të ketë rrjedhur nga laboratori kinez në Vuhan. Nënkomiteti i Përzgjedhur i Kongresit Amerikan për Pandeminë e Koronavirusit, ka dalë në një konkluzion të tillë në raportin prej 520 faqesh, i përgatitur pas një investigimi dyvjeçar.

Sipas ekspertëve, virusi zotëronte një karakteristikë biologjike që mungon në natyrë dhe të dhënat treguan se të gjitha rastet e Covid-19 buronin nga një hyrje e vetme te njerëzit, duke përforcuar teorinë e 'rrjedhjes laboratorike'.