Eurodeputeti rumun, Terhes: E kuptueshme pse shumë njerëz mbështetën vrasësin e gjyqtarit Astrit Kalaja

Europarlamentari rumun, Christian Terhes, ka deklaruar sot gjatë takimit të Komitetit Parlamentar të Stabilizim Asociimit në Tiranë, se vrasja e gjyqtarit Astrit Kalaja nuk mund të shihet vetëm si një akt kriminal që duhet ndëshkuar, por edhe për të cilin duhen gjetur shkaqet.

Ai vuri në dukje se vonesat në dhënien e drejtësisë e bëjnë të pritshme që njerëzit të marrin vetë në dorë drejtësinë dhe nuk është e rastit tha ai, që një pjesë e njerëzve mbështetën vrasësin në rastin e vrasjes së Astrit Kalasë.

Qëndrimi në fjalë është me rëndësi pasi në Shqipëri askush nga klasa drejtuese nuk donte të vinte në dukje shkaqet që çuan në atë ngjarje, të vetëdijshëm për atë që kanë gatuar ndër vite. Por edhe të trembur nga zinxhiri eventual I asaj që mund të pasojë.

Eurodeputeti tha po ashtu se reforma në drejtësi ngjan e mirë në letër, se SPAK po bën diçka, por se drejtësia në Shqipëri, është larg funksionimit.