Ministri i Jashtëm i Turqisë, Hakan Fidan ka deklaruar se Franca dhe Gjermania bllokojnë kërkesën turke për anëtarësim në BE për arsye të politikës së brendshme.

Ne shohim se kërkesa nuk pranohet nga dy vendet që janë themelues dhe forcat udhëheqëse të BE-së dhe kjo ndodh kryesisht për arsye të politikës së brendshme

është shprehur Fidan në një intervistë televizive.

Presidenti bullgar Rumen Radev ka deklaruar se ndihma europiane për Kievin në luftën kundër Rusisë është e destinuar të dështojë.

Europa nuk ka vizionin e vet për fundin e luftës dhe në mendimin tim, është e paracaktuar të dështojë. Ofrimi i më shumë armëve nuk do të çojë në fitoren e Ukrainës. E kundërta po ndodh përditë

ka shkruar ai në një postim në Facebook.

Një opinion i publikuar në gazetën “Kathimerini” me autor Stavros Tzimas ilustron sesa pak e njohin analistët e vendit fqinj mjedisin politik në Shqipëri. Që nga titulli: A po bëhet Edi Rama Enver Hoxha i radhës?

Presidenti i Federatës Ruse, Vladimir Putin ka deklaruar se në situatën e sotshme roli i Organizatës së Kombeve të Bashkuara po rritet. Me rastin e 80-vjetorit të Ditës së Fitores, Putin madje ka nënvizuar se një organizatë si OKB-ja do të duhet të fuqizohet më tej.

Robert Francis Prevost është zgjedhur Papa i ri i Romës dhe drejtues i katolikëve në mbarë botën. Nën emrin e pontifikatit Leon XIV, Prevost duket se përfaqëson vazhdimësinë e papatit të Bergoglios.

Ai ka lindur në Çikago nga emigrantë europianë me origjinë franko-italiano-spanjollë më 14 shtator 1955. I diplomuar për matematikë në vitin 1977 dhe më vonë për teologji në Çikago.

Macron dhe Merz mendojnë në mënyrë më të ngjashme me njëri-tjetrin sesa Macron dhe Scholz. Kështu shkruan në një opinion të vetin në “Politico” kreu i Eurazia Group, Mujtaba Rahman. Sipas tij ndryshimi i ndodhur në Gjermani vendos një komunikim më të mirë mes dy fuqive kryesore në Bashkimin Europian, por dilemat mbeten.

Lëvizja e parë e Friedric Merz – vizitë në Paris. Aksi franko-gjerman duhet të riafirmohet.

Zgjedhjet parlamentare të 11 majit po afrojnë. Po si është situata ekonomike. Së pari le të analizojmë borxhin publik apo borxhin qeveritar. Sipas të dhënave të Fondit Monetar Ndërkombëtar, Shqipëria e ka të dytin më të lartë në rajon, në nivelin 54.3% të Prodhimit të Brendshëm Bruto (PBB). Një borxh i lartë publik ndikon në inflacion, pra rritjen e çmimeve, dhe gjithashtu ul investimet.

Më 30 prill 2025, presidenti serb Aleksandar Vuçiç pat deklaruar se do të udhëtonte në SHBA për t'u takuar dy herë me presidentin amerikan Donald Trump. Jo një, por dy herë. Megjithatë, mediat serbe raportuan për këtë udhëtim me spekulime të ndryshme, duke ngritur pikëpyetje mbi arsyet e vërteta të vizitës.

Një tjetër mendim i përhapur ishte se Vuçiç kërkonte njëfarë "leje" nga Trump për të shkuar në Moskë, sepse BE ishte kundër asaj vizite. Ai vetë pat deklaruar se Serbia nuk mund t’i urdhërohet dhe se ai, do të shkojë atje.

Kryeministri në detyrë i Kosovës, Albin Kurti ka uruar sot në rrjetin “X” Friedrich Merz për zgjedhjen në detyrën e kancelarit të Gjermanisë. Kurti shpreh vullnetin për të thelluar bashkëpunimin, një mesazh të cilin Merz, në mënyrë domethënëse e ka replikuar me një falenderim po në rrjetin social në fjalë.

Është një komunikim që duhet vlerësuar pasi në mënyrë qoftë edhe protokollare ilustron se kancelari i ri i Gjermanisë e ka rajonin në fokus të punës së vet të ardhshme.