Zgjedhje-rrufe në Japoni, kryeministri Abe njofton për votime parlamentare më 14 dhjetor. Arsyeja, ngërçi ekonomik

Zgjedhje rrufe mund të quhen ato që ka thirrur kryeministri japonez Shinzo Abe për muajin që vjen. Ky lajm i papritur komentohet si një tentativë e guximshme për të mbledhur më shumë mbështetje për politikat e tij ekonomike të quajtura “Abenomics”, njofton The Guardian. Shinzo Abe deklaroi në një konferencë për shtyp sot se do të kërkonte shpërndarjen e dhomës së ulët të parlamentit të premten, për t’u hapur rrugën zgjedhjeve më 14 dhjetor. Abe shtoi se do ta shtyjë ende vendimin për rritjen e taksave nga 8% në 10%, deri në prill 2017, 18 muaj më vonë nga parashikimi. Ky vendim vjen pasi statistikat nxorën se ekonomia e vendit po rrëshqiste sërish drejt recesionit për herë të parë nga 2012-ta.

a.k