Gramsh, ura drejt shkatërrimit, në izolim 400 banorë të fshatit Trashovicë

Vazhdojnë njoftimet dramatike nga përmbytjet që kanë pushtuar vendin. Rreth 400 banorë të fshatit Trashovicë në Gramsh, rrezikojnë të izolohen pasi ura që lidh këtë fshat me pjesën tjetër të zonës po shkon drejt degradimit. Situata është përkeqësuar si pasojë e reshjeve, ndërsa ura si e vetmja rrugë lidhëse për këtë fshat, prej vitesh nuk njeh asnjë investim. Ura është thuajse e pakalueshme, ndërsa banorët e fshatit i bëjnë apel instancave përkatëse të ndërhyjnë. Uji ka pushtuar edhe tokat bujqësore si dhe disa banesa.

a.k