“A1 Report” zbardh marrëveshjen PS-LSI për bashkitë. Rama-Meta të hënën nisin konsultat

Rama dhe Meta dy krerët e partive politike të mazhorancës kanë mbyllur marrëveshjen për ndarjen e posteve të bashkive. “A1 Report” zbardh marrëveshjen e bërë mes Partisë Socialiste dhe Lëvizjes Socialiste për Integrim për zgjedhjet vendore të 21 qershorit të 2015. Sipas të njëjtit burim, marrëveshja konsiston në ndarjen e bashkive kryesore ku sipas informacioneve, LSI ka marrë bashkinë e Lezhës, Kukësit, Beratit, Lushnjes, Bulqizës dhe Gjirokastrës. Ndërkohë në bashkitë e tjera pritet të kandidojnë përfaqësues të Partisë Socialiste. Prej kohësh dy aleatët pasi kishin pohuar se dalin me kandidatë të përbashkët dhe ishin në negociata për kandidatët për zgjedhjet lokale të 21 qershorit. Sipas “A1 Report”, nën siglën e së majtës në Bashkinë Lezhe pritet rikandidimi i Viktor Tushajt, i cili prej dy mandatesh e drejton këtë njësi vendore. Mandatin e fundit shton i njëjti burim, ai e fitoi bashkinë pas koalicionit që Lëvizja Socialiste për Integrim bëri më Partinë Demokratike, asokohe në pushtet. Edhe në bashkinë Kukës pritet rikandidimi i Hasan Halilajt, i cili tashmë nën siglën e Lëvizjes socialist për integrim kërkon një mandat të tretë për drejtimin e kësaj njësie vendore. Hasan Halilaj është zgjedhur për dy mandate kreu i bashkisë Kukës nën siglën e Partisë Demokratike, ndërsa dy vite më parë ai vendosi të braktistë PD për t'ju bashkëngjitur LSI-së. Sakaq thotë “A1 Report”, përfaqësuesit e Lëvizjes Socialiste për Integrim në emër të aleancës së të majtëve do kandidojnë në bashkitë Gjirokastër, Lushnjë dhe Berat. Këto njësi vendore prej vitesh drejtohen nga përfaqësuesit e Partisë Socialiste, konkretisht Flamur Bime në Gjirokastër, Fatos Tushe në Lushnjë si dhe Fadil Nasufi në Berat. Sakaq LSI do ketë zonë të lirë edhe në bashkinë e Bulqizës, e cila njihet si bastion i Partisë Demokratike.

l.v

http://shqiptarja.com/home/1/zbardhet-marr-veshja-ps-lsi-p-r-bashkit--ja-si-do-te-ndahen-275998.html