Zdroms, ti tashmë je një rrangallë politike. Bashkia po hetohet si karkasë hajdutësh, nuk ka çfarë të auditohet

Kam marrë gjithë baltën, gjithë vërejtjet a thua jam shoferi i çdo kamioni plehrash apo në çdo makinë policie. Kështu funksionon, pra ndonjëherë përgjegjësia shkon me atë që ka idenë dhe përgjegjësinë

Besojeni apo jo, por këto fjalë i thotë i vetmi Zdroms me përgjegjësi publike në këtë vend, Erion Veliaj. Zyrtari më i neveritshëm i të gjithë shtetit shqiptar, jovertebrori politik që sot del e deklaron se “përgjegjësia është personale”. Se ai madje nuk mund të akuzohet se çfarë bënin të gjithë drejtorët e tij, që krijuan kompani të posaçme për të marrë paratë publike siç edhe akuzohen. Se ai nuk di gjë se pse paratë vazhdojnë të shkojnë për një incenerator që nuk funksionon dhe madje nuk ekziston.

Zdromsi me emrin e lindjes Erion Veliaj, ligjëron ende gjatë një takimi me të rinj se do t'i bëjë audit bashkisë, me dy kompani të huaja, duke vënë në veprim të njëjat truke propagandistike që i kemi parë më parë. E mbani mend kontratën me Crown Agents të Doganave? Ku shkuam? Nga ana tjetër auditimin e bën KLSH-ja, jo kompani të huaja, gjenerimi dokumentar i të cilave nuk ka vlerë juridike veç si dokumente për përdorim të brendshëm.

Nuk ka çfarë auditi të bëjë kjo qenie ndërkohë që Bashkia e gjithë formalisht po hetohet nga Prokuroria e Posaçme Antikorrupsion. Nga kolegët e këtij siç edhe i shpalli personalisht. 

Nuk ka leksik apo manual të vetëpërmbajtjes të shërbejë për të frenuar ngacmimet neurologjike që nxit kjo qenie për sistemin nervor të çdo njeriu normal. Nuk ka individ ndoshta normal që nuk ndjen të përzjerë nga vetë fakti se në botë ekziston një njeri si Zdromsi që sido që ta kthejë fjalën, sado manovra të bëjë, është tashmë një kartë e djegur politike.

Një rangallë e ndryshkur që nuk është më modeli i referimit për askënd, edhe për ata që e kalojnë jetën duke bërë sikur besojnë atë që u thuhet.

s.zaimi