Doshi: “Durim Bamin e kërcënuan me jetën e fëmijëve në qeli. Ishte një pjesëtar i RENEA-s. Ballafaqimi me Bamin është i filmuar"(përditësuar)

Deputeti Tom Doshi ka deklaruar sot para Këshillit të Rregullores në Parlament se ndaj Durim Bamit është ushtruar presion dhe është aplikuar kërcënim dorekt në qeli. Sipas Doshit, Bamit, i ka shkuar në qeli një pjesëtar i RENEA-s që i ka bërë të qartë se dëshmia e tij, do të sillte ekzekutimin e fëmijëve. Doshi madje ka shtuar se për këtë ekziston video dhe një transkript që disponohet në prokurori, një akuzë kjo e rëndë.
Më tej, deputeti Doshi, ka deklaruar se ka kërkuar përgjim ambiental në ballafaqimin e tij me Durim Bamin, i realizuar ky me vendim gjykate. Ai ka thënë se madje ka mbajtur aparat përgjimi dhe ku Bami deklaron se ka ndryshuar dëshminë nën presion. Ky fakt është pranuar indirekt nga prokurori Adnan Xholi.