Shqipëri-Armeni për “Francë 2016″/ Tifozët armenë deklarojnë se nuk ka bashkëpunim me serbët për të djegur flamurin shqiptar në “Elbasan Arena”

“Ne nuk do të prekim flamurin shqiptar dhe aq më pak ta djegim atë”, kanë deklaruar përmes një njoftimit për shtyp grupimi i tifozëve armene “First Armenian Front”, grupim ky i njohur zyrtarisht edhe nga Federata Armene e Futbollit dhe që pritet të zbarkojë në Tiranë për të qenë në “Elbasan Arena” të dielën gjatë përballjes. Agjencia Telegrafike e Lajmeve, shkruan se situata është sqaruar pikërisht tani kur na ndajnë dhe tre ditë nga përballja mes Shqipërisë dhe Armenisë për eleminatoret e “Francë 2016″. Gjatë këtyre ditëve, në vendin tonë kishte dale hipoteza e një bashkëpunimi mes tifozëve armenë dhe atyre serbe, me qëllim djegien e flamurit kuqezi, por kjo mesa duket është një trillim, i cili nuk gjen mbështetjen e tifozëve miq. Sipas shtypit shqiptar, qe citon burime nga Armenia, theksohet se tifozët e grupiti “First Armenian Front” kanë mohuar kategorikisht këtë bashkëpunim, duke shprehur edhe respekt ndaj flamurit tonë.  Sipas burimeve nga Federta Shqiptare e Futbollit, të dielën pritet të jenë rreth 150 tifoze armenë në stadium, ku do te luhet ndeshja Shqipëri-Armeni.