Mitrovicë/ Digjet shtëpia e Xhafer Devës, ministri i Punëve të Brendshme të Shqipërisë gjatë pushtimit nazist

Shtëpia e Xhafer Devës që njihet dhe si njëra nga shtëpitë më të vjetra të Mitrovicës është kapluar sot nga zjarri. “Koha.net” shkruan se Xhafer Deva ishte në anën e gjermanëve në Luftën e Dytë Botërore derisa për një kohë ishte emëruar Ministër i Punëve të Brendshme të Shqipërisë në Qeverinë e Rexhep Mitrovicës. Policia e Kosovës, nëpërmjet zëdhënësit për rajonin e Mitrovicës, Avni Zahiti, i ka thënë se ende janë në mbledhjen e informatave, ndërsa më vonë do të dalin me detaje rreth kësaj ngjarje.