Rama e Basha të mendohen sa pa vendosur, për të kandiduar femra për bashkinë e Tiranës, shkruan Baton Haxhiu

Analisti i Kosovës Baton Haxhiu i ka bërë sot një apel Edi Ramës, por edhe kreut të opozitës Lulzim Basha, që kandidaturat për bashkinë e Tiranës, ende sa pa u paraqitur, t'i kenë femra. Haxhiu i njeh Ramës betejën për kuotën e femrës në politikë. Një shoqëri maskiliste politike, shpeshherë  e shëmtuar me korrupsion dhe me ambicie të papermbajtura, ka bërë  që femrat shqiptare në  të gjitha statistikat dhe sondazhet janë si mos më keq. "Edi Rama dhe Lulezim Basha e kanë  një detyrë morale dhe fisnike para vetes: Të emërojnë femra për kandidate për kryeqytetin e shqiptarëve.  Kjo detyrë nuk është vetëm garë politike, por në vete ka edhe një garë humane politike, shoqërore dhe antikorruptive. Është humane sepse gara ndërmjet meshkujve gjithmonë ka qenë e vrazhdë, është e vrazhdë, dhe për një kohë të gjatë do të jetë ë tillë – e vrazhdë dhe pa shije. Është antikorruptive sepse gara e mëshkujve ka gjuhën e vrazhdësisë, ka akuza për korrupsion, akuza për bythlëpirje, akuza për nënshtrim ndaj liderit dhe qindra fjali që i shërbejnë vazhdimit të konfliktualitetit shqiptar. Për herë të parë mund ta humanizojmë kryeqytetin shqiptar me një garë ku femrat do të linin gjurmët humane të betejës për kryeqytet", shkruan Haxhiu.a.k