Armeni, përkujtohen viktimat e masakrave të vitit 1915, Obama shmang me mjeshtëri termin genocid
Ceremoni të ndryshme kremtuese kanë nisur në Armeni me rastin e 100-vjetorit të masakrave të vitit 1915. Vrasjet masive të xhonturqve, për Armeninë nuk mund të përkufizohen veçse si genocid, por, Turqia këtë fjalë nuk e pranon. Ngërçi i ka tensionuar prej kohësh marrëdhëniet mes dy vendeve. Ankaraja mohon edhe shifrën e 1.5 milionë të vdekurve, për të cilën armenët shprehin bindje të plotë. Në nder të viktimave, në memorialin kushtuar atyre në periferi të kryeqytetit armen Erevan, u vendosën kurora me lule e u mbajt një minutë heshtje. Sa për deklaratën e Barak Obamës, të cilën Ankaraja e priste me shumë ankth, ajo ishte tepër diplomatike. Shefi i Shtëpisë së Bardhë iu referua vrasjeve si një prej mizorive më të mëdha të shekullit XX, duke shmangur me shumë mjeshtëri termin genocid.
Comments
Kalifatin Islamik ISIS e
<p>Kalifatin Islamik ISIS e mbeshtesin dhe e furnizojne Barak Obama dhe Erdogani. Prandej nuk ka se si Obama te pohojne GJENOCIDIN ARMEN nga xhontruqit. </p>
Add new comment