“Panorama” hap dosjen e Partisë Socialiste për shpenzimet: Në 2014-­ën shleu borxhet që mori në opozitë, shton shpenzimet për dietat

“Panorama” shkruan sot se Partia Socialiste gjatë vitit 2014 ka shpenzuar në total 86.5 milionë lekë. Sipas raportit vjetor të depozituar në Komisionin Qendror të Zgjedhjeve, partia kryesore e maxhorancës raporton se në një vit kalendarik ka pasur një ulje të donacioneve në krahasim më vitin e shkuar, në të cilin u zhvilluan zgjedhjet. Sipas “Panoramës”, gjatë vitit 2014, selia rozë ka arritur të mbledhë rreth 41 për qind më pak të ardhura nga kuotat e deputetëve, ndërkohë që tkurrje kanë pësuar dhe donacionet nga të tretët me 97 për qind. “Panorama” shkruan gjithashtu se gjatë vitit 2014, PS raporton se nga kuotat e deputetëve ka arritur të mbledhë rreth 5.2 milionë lekë, ndërkohë që një vit më parë shuma arrinte 8.9 milionë lekë.