“Vëmendja në fushatë elektorale shtyn reformat për në shtator” shkruan “Shekulli”

Aktiviteti parlamentar po zbehet për shkak të vendoreve. Ky është paralajmërimi që jep gazeta “Shekulli” që evidenton se zgjedhjet lokale të 21 qershorit po zhvendosin vëmendjen e deputetëve të Kuvendit të Shqipërisë te kërkimi i votave dhe jo diskutimi i projektligjeve në komisionet parlamentare. “Axhenda parlamentare ka nisur tashmë të kalojë në plan të dytë, edhe pse ende nuk ka nisur zyrtarisht fushata elektorale e cila, sipas njoftimit të fundit të Komisionit Qendror të Zgjedhjeve, hapet në 22 maj” shkruhet në artikull. Angazhimi për zgjedhje, sipas gazetës, ka bërë që të bllokohet procesi i diskutimeve për reforma të rëndësishme siç është ajo në drejtësi, por edhe reforma e arsimit, apo ndryshimet në Kodin Zgjedhor, të cilat duket se mbeten për t’u diskutuar në shtator, kjo për shkak edhe të pushimeve verore që pasojnë zgjedhjet e 21 qershorit.

Artikulli i plotë: http://shekulli.com.al/p.php?id=253733

n.k