Ambasadori Robert Bosch i Holandës: Gjermania një mike e madhe, Kosova duhet t’i ngrejë statujë kancelares Merkel

“Koha Ditore” shkruan sot se ambasadori i Holandës, Robert Bosch, gjatë një ligjërate të mbajtur në Kolegjin ISPE, ka thënë se në vitet e fundit ka qenë Gjermania ai vend i BE-së që më së shumti i ka shtyrë përpara proceset në lidhje me Kosovën,  Sipas tij, kancelaria aktuale gjermane, Angela Merkel, është një mike e madhe e Kosovës, e cila ka ndërmarrë veprime aktive në përkrahje të vendit. “Do të duhej t’i ngrini një statujë kancelares Merkel, këtu”, ka thënë Bosch.