Turqia i thotë “Ndal” Erdoganit. AKP-ja nuk merr shumicën. Të pamundura edhe ndryshimet kushtetuese për presidencën

Turqia i ka thënë ndal marshit të pushtetit të presidentit Erdogan. Pas 13 vitesh, votimet e së djelës i dhanë AKP-së, partisë së tij, vetëm 41% të votave. Një fitore historike ka arritur Partia Demokratike e Kurdëve, e cila ka marrë13% duke marrë të drejtën e përfaqësimit në Parlament. “Reuters” citon kreun e saj, Selahattin Demirtas, të shprehet se: “Diskutimit për një presidencë ekzekutive dhe vendosjen e një diktature në Turqi i erdhi fundi”. Erdogan kishte paralajmëruar ndryshime kushtetuese, që do të lejonin adoptimin e një  modeli amerikan të Presidencës së vet, që në kushtet e Turqisë lexohet thjesht si Diktaturë. Për të realizuar këtë gjë atij i duhen 2/3 e votave në Parlament, çka me këto zgjedhje është e pamundur. Sikurse ai, si i pamunduri i deritanishëm, pëson goditjen e parë.

s.z