Por sikur…të mos votojmë?

Vota e qytetarit dhe pjesemarrja ne zgjedhje eshte e domosdoshme si nje e drejte dhe nje pergjegjesi qytetare. Kete ne e pranojme, por vetem me nje kusht, qe vota te respektohet (qe do te thote te numerohet dhe te vleresohet ne nje menyre transparante). Kjo eshte kerkesa me primitive, me paresore, qe mund t’i bej populli ne nje sistem demokratik, nje qeverie qe e shpall veten si te tille. Kane kaluar mbi 20 vite qe ne zhvillojmë zgjedhje “demokratike” si per pushtetin qendror ashtu dhe ate vendor, por a eshte respektuar vullneti i votuesit? Vendi eshte bere gjithashtu nje shembull i vecante jo vetem ne Europe por edhe me gjere, per faktin qe per cdo here qe shkojme per te votuar kemi qene te detyruar te ndryshojme ose reformojme kodin zgjedhor, sikur te gjitha te keqijat jane aty. Por asgje nuk ka ndryshuar. Pas dhjete muajsh, ne shqiptareve do te na kerkohet qe te shkojme te votojme per “perfaqesuesit” tane ne institucionin ligjvenes nga ku do te zgjidhet dhe qeveria e re. Teorikisht duhet te jemi te gezuar . Por a mund te themi me plot bindje qe vota do na respektohet ne zgjedhjet e pergjithshme te 2013? A do numerohet cdo vote dhe a do zhvillohet i gjithe procesi zgjedhor pa marifete? Kjo pyetje retorike nuk behet per te perhapur panik apo negativitet, dhe as iluzione te njerezve qe u pelqejne teorite e konspiracionit dhe hedhin akuza te pabazuara. Fatkeqesisht, ky eshte nje realitet. Nje realitet qe e di shume mire cdo qytetar. Nuk eshte nevoja te kthehemi shume larg , pasi te gjithe e mbajme mend se cfare perjetuam vjet me zgjedhjet lokale. Pervec mos respektimit te votes, jemi te ndergjegjshem qe ekzistojne dhe shume deficite te tjera te shkaktuara nga korrupsioni rrenjesor i shtrire ne cdo qelize te jetes shqiptare; sistem juridik teresisht i pabarabarte; nje administrate publike e karakterizuar nga mungese serioziteti, mungese profesionalizmi dhe pertacie kronike si dhe mashtrime te vazhdueshme publik te cilat ne te vertete po fyejne dhe ofendojne edhe nivelin mesatar të inteligjences së publikut. Te duket ndonjehere se ose shqiptaret jane populli më durim- çelik ose ai më indiferent ne bote. Pra, cfare na ka ngelur neve si popull? Si mund te na degjohet njehere zeri? Me demonstrata? Jo, sepse na vrasin. Me vota? Jo, sepse nuk vleresohen. Atehere, por sikur, thene me zemer te renduar, mos te votojme fare dhe te bojkotojme zgjedhjet? Meqe politika nuk po reagon nga zeri i popullit, mbase populli duhet t’i drejtohet taktikes se heshtjes per te shfaqur pakenaqesite ndaj saj. Le ta quajme proteste pa zhurme. Ne raste kur probabiliteti i mashtrimeve ne procesin zgjedhor eshte i larte, ose legjitimiteti i vete qeverise eshte i dyshuar, bojkoti i zgjedhjeve eshte perdorur si nje lloj proteste politike per te gjithe aktoret e politikes. Kjo eshte realisht nje alternative ekstreme, por sic thone dhe anglezet, ne situata te deshperuara merren masa te deshperuara.