Andi Bushati është i sigurtë se këtë herë “të gjithë janë kundër Berishës”

Fundi i shkrimit të Andi Bushatit të sapo publikuar në Tema online bën kështu: “Sali Berisha nuk pati guximin të sillej dinjitoz me vetminë e tij. Prandaj ai sot po shkon drejt zgjedhjeve me të njëjtën njollë imoraliteti që mbajnë në shpinë edhe kundërshtarët e tij. Por, në këtë garë të barabartësh ka një hendek të madh. Sepse në ndryshim prej tyre, ai, kësaj radhe, është krejtësisht i braktisur.”

Titulli ka për titull “Të gjithë kundër Berishës”, dhe me të gjithë Bushati ka parasysh LSI-në që Berisha e kish katër vjet nën hyqëm, Bamir Topin që e zgjodhi President para gjashtë vitesh, Kreshnik Spahiun, të cilit nuk do të mundet t’ia shohë hairin edhe sikur ta kurdisë në rolin e Hysni Milloshit (Bushati hedh dyshime se “Berisha ka çuar njerëz për ta joshur Kreshnikun”), diplomatët ndërkombëtarë, duke filluar nga ata që marrin urdhëra e sugjerime nga Washingtoni e Brukseli, etj. Dhe konkludon: “Më keq se kaq Sali Berisha nuk ka qenë kurrë në këto tetë vite. I vetëm dhe i braktisur. Pa aleatë seriozë dhe pa mbështetës publikë, me përjashtim të ndonjë mercenari apo hallexhiu të mbetur pa punë.”

Shkrimin e plotë mund ta ndiqni në linkun http://www.gazetatema.net/web/2013/04/23/te-gjithe-kunder-berishes/

Re.Pu.