Gazetarja Desada Metaj do të votojë për PD-në, por është kundër modelit “të grave të rrëzuara në sallë”

Ka rënë në sy protagonizmi politik i disa këngëtarëve, si Bleona Qerreti, Soni Malaj, Greta Koçi, Çiljeta, etj, të cilat janë parë kohët e fundit edhe nëpër salla forumesh të partisë demokratike, por edhe nëpër poste të ndryshme në administratën e lartë. Kjo gjë i ka rënë në sy dhe Desada Metajt, gazetares së TV Klanit, që voton për gjithmonë PD-në. Këtë lë të kuptohet në një shkrim të vetin të publikuar në Panorama lidhur me “gratë e rrëzuara në sallë”, duke iu referuar kështu rrëshqitjes në skenë të Gridas Dumës pas fjalimit që mbajti në Konventën me gratë demokrate. “Pas 8 vjetësh [të PD-së në pushtet], nëse do më kërkoni të flisja ne atë konventë, do pranoja, sigurisht [ta bëja këtë gjë]…. E di se sado që të poshtërohen këto gra “[të rrëzuara në sallë”], ato do të votojnë sërish djathtas, ashtu si dhe unë”, thotë ajo.

Po për çfarë i kanë rënë në sy “gratë e tjera të rrëzuara”? Ja çfarë thotë ajo në shkrmin e vet: “[Gratë] shefe nuk e dinë asnjëherë se si këto bukuroshe kanë përfunduar në radhët e para të grave demokrate. Shefet nuk kanë dëgjuar mbase asnjëherë këngët e këngëtares që kanë në krah apo nuk kanë parë kurrë  shfaqjen e aktores që kane ngjitur, por kjo s’ka rëndësi. Madje, duket më e lehtë për to ndërsa nëpër tavolina do llomotisin se këto janë peshqeshe të dikujt tjetër. Prej 8 vitesh këto ‘gra shefe; e katandisën tribunën e së djathtës një paçavure, ku çdo demokrateje do t’i vinte turp të ulej. Modeli, që këto zonja po përpiqen të na servirin është më i gabuari dhe më i dëmshmi për të djathtën në Shqipëri.”

Shkrimin e plotë mund ta ndiqni në linkun http://www.panorama.com.al/2013/05/06/te-rrezuarat-ne-salle/

Re.Pu.