Blushi i kujton Musa Ulqinit vitin 2003 dhe pagëzimin “kurajoz” që i ka bërë Ramës si socialist

Edi Rama ia ka dalë të mbajë të tonifikuar dhe të motivuar në këtë fushatë elektorale Ben Blushin, me të cilin marrëdhënien nuk e ka si me të tjerët. Kuptohet pse. Ben Blushi është një nga socialistët që nuk pranon të rrijë nën hijen e Ramës. Nuk është se i ka bërë kontestime leadershipit të Ramës, as vendimeve që ky i fundit ka marrë, por i njihet nga të gjithë “kompetenca” për t’i bërë karshillëk, gjë që duket dhe te vetë kujdesi i Ramës në sjelljen me të.

Në këtë fushatë, Blushi duket tërësisht i motivuar dhe me shpirt skuadre. Por në Konventë nuk ka harruar të bëjë një pickim ndaj Ramës. Të paktën kështu është interpretuar nga mediat. “Musai mbahet mend si njeriu që i dha besën e PS-së Edi Ramës [në vitin 2003, kur i dha teserën e anëtarit të partisë për Tiranën]. Dua ta pyes sot: O Musa, ku e gjete këtë guxim? E di që Musai nuk do më japë përgjigje për këtë”, tha Blushi.

Re.Pu.