Rama do të prezantojë pas pak “super-skuadrën” e PS për Tiranën, por në Asllan Rusi! Jo në shesh!

Pas pak minutash do të ndodhë në Pallatin e Sportit Asllan Rusi prezantimi i asaj që Rama e quajti më herët, “superskuadra e Rilindjes për Tiranën.” Ndryshe nga Berisha, Rama nuk ka preferuar sheshin, duke ngulmuar se “Berisha i mbush sheshet me trupat e robërve të pushtetit në administratë, ndërsa opozita i mbush hapësirat publike me energjinë e jashtëzakonshme të popullit opozitar”

Pavarësisht se dhuna e fushatës ka nisur të ndjehet, më e fundit ishte djegia e shtëpisë së kandidatit të PS në Prezë, Rama deklaron se “kjo fushatë për ne s’është vetëm betejë po edhe festë. Është një festë që na mbledh së bashku si lumenj njerëzorë në hapësirat publike, për të afirmuar fuqinë e ëndrrave dhe shpresave tona”

Në një thirrje në facebook, Rama ka kërkuar “rilindje pas vitesh të tëra rrënim.”

k.c.