Maks Velo: të tëra këto kujtime [i fundit, i Bardhyl Londos], shkruhen për të falsifikuar historinë

Në intervistën dhënë Alda Bardhylit, që redaksia e Shqip e ka titulluar: “Enver Hoxha u ndihmua nga artistët”, Maks Velo komenton mbi “modën” e artistëve për të publikuar kujtime (më i fundit, nga ish-Kryetari i Lidhjes së Shkrimtarëve, Bardhyl Londo), dhe e konsideron si një mënyrë për të fshehur të vërtetën.

“Enver Hoxha e pati disi të lehtë për ët krijuar mitin e tij. Ndihmuan shumë shkrimtarët dhe artistët. Lidhja ishte organi i krijuar për këtë. Sidomos pas 1973-shit, Dritëro Agolli si kryetar dhe Kujtim Buza si sekretar, bënë një punë të madhe për këtë. Tani të gjithë duan të lajnë duart. Prandaj botojnë kujtime. Këto kujtime kanë shumë pak objektivitet dhe vërtetësi. Më shumë janë si fiksione. Edhe një herë tregojnë veten. Por harrojnë se një ditë (sado që të shtyhet kjo ditë) dosjet do të hapen” thotë Velo. Ai kujton se kur donin të krijonin një hapësirë me pikturat e kohës së komunizmit, autorët që i aptën bërë u ngritën kundër – nuk donin që të merrej vesh nga publiku sot çfarë kanë bërë atëherë. “Ama, titujt dhe dekoratat që kanë marrë atëherë nuk i kthejnë”, thotë Velo.

k.c.