Edward Snowden bëhet i gjallë; është në Hong Kong; dhe nuk është penduar për çfarë ka bërë

“Nuk jam hero; as tradhtar. Jam thjesht një amerikan”, thotë Edward Snowden nga Hong Kongu, për gazetën the South China Morning Post. Ai është bërë i gjallë për herë të parë qysh nga dita që u mor vesh se ishte pikërisht ai që kish nxjerrë informacionin mbi Programin e Përgjimit të kryer nga Agjencia Amerikane e Sigurisë Nacionale. Është në Hong Kong, në një vend sekret, dhe do të rrijë atje “derisa të dalë dikush e t’i thotë se nuk mund të rrijë më”. “Nuk jam këtu për t’iu fshehur sistemit të drejtësisë; jam këtu për të luftuar krimin e madh që është kryer”, tha ai për reporterin e gazetës kineze.

Në fakt, midis SHBA-ve e Hong Kongut ka një marrëveshje ekstradimi, por nga ana tjetër, Snowden mund të mbetet atje për vite me radhë në përpjekje legale për t’iu shmangur ekstradimit.

Re.Pu.