Mejdani për Malajn: normal të jetë në Parlament

Ish-presidenti, Prof. Dr. Rexhep Meidani, i pranishëm në një seminar në Universitetin Europian të Tiranës (janë të shumtë politikanët që gjatë fushatës bëjnë një xhiro nga UET –  përse vallë?) ka komentuar edhe disa prej lëvizjeve politike që kanë ndodhur në Partinë Socialiste, të cilat i përcjell sot edhe MAPO. Meidani e quajti normal përfaqësimin në parlament të Arben Malajt që kandidon si i pavarur, duke thënë se nuk mund të akuzohej se ishte i pakënaqur nga përzgjedhja e bërë prej drejtuesve të PS. “Në këtë kuptim, nuk mund të akuzohet asnjë individ pavarësisht përafrimit të mëparshëm politik, pavarësisht nëse mund të ketë qenë i pakënaqur nga një përzgjedhje. Në rastin konkret, unë do të thosha që një përfaqësim i një individi të formësuar në politikë, që ka dhënë kontributet e veta për zhvillimet në Shqipëri, në mënyrë të veçantë kontribut shumë të rëndësishëm për zhvillimin ekonomik në Shqipëri, sidomos për periudhën e krizën pas ’97-ës, unë do ta quaja fare normale pjesëmarrjen e tij në Parlamentin e Shqipërisë”, – tha ish-presidenti Meidani.

k.c.