Kryeministri viziton Tropojën, po asnjë tropojan s’i jep dot as dorën, prej masave të forta të sigurisë

Të jetë paranojë apo frikë reale? Mediet bëjnë të ditur se Kryeministri ka vizituar sot Tropojën pas 4 vitesh, nën masa të forta sigurie. Qyteti gëlonte prej efektivëve civilë të Gardës së Republikës dhe policëve me uniformë që prisnin mbërritjen e kryeministrit Sali Berisha. Zona në të cilën u mbajt tubimi ishte e tëra e mbikëqyrur nga dhjetra e dhjetra pjestarë sigurie, shumica prej të cilëve në fakt ishin të veshur me rroba civile, raporton Top Channel, teksa nuk mungonte edhe mbikëqyrja e terrenit nga çatitë e ndërtesave përreth. Sipas TCH, “Shumë tropojanë të cilët tentuan të thyenin kordonin e policisë për të takuar atë që e konsideronin me parrulla si “birin e tyre” e patën të pamundur, pasi kryeministri ecte i rrethuar nga eskorta e tij.”

k.c.