Të jetë garë “reale” për kreun e PD? Edhe Biberaj zë rradhën...

Vetëm pak orë pas deklarimit të Sali Berishës se Kryetari i ri që do ta pasojë në PD do të zgjidhet sipas parimit “një anëtar një votë”, dhe Aleksandër Biberaj ka shpallur hapur ambicien për të garuar për postin që gjerësisht i atribuohet si i “paracaktuar” Lulzim Bashës.

 “Është një zhvillim pozitiv që kryetari i Partisë Demokratike do të zgjidhet sipas parimit “një anëtar, një votë”. Më vjen mirë që kërkesa ime drejtuar Kuvendit Kombëtar në dhjetor të vitit 2009 është marrë parasysh. Natyrisht që është hapur rruga për intelektualët dhe përfaqësuesit e Partisë Demokratike që të kandidojnë për kreun e ri të PD”, ka qenë deklarata e ish-anëtarit të kryesisë dhe ish-deputetit të PD, Aleksandër Biberaj. Biberaj ka qenë dhe nënkryetar i Frymës së Re Demokratike të Bamir Topit (prej nga është larguar thuajse në heshtje), ka deklaruar për mediet edhe se “mbështetës të tij por dhe njerëz të thjeshtë të PD” i kanë kërkuar  që të garojë për postin e kryetarit të PD të lënë vakant nga Sali Berisha.

k.c.