Braçe vlerësim maksimal për Arvizunë, shigjeton “dikë” që kërkoi që Ambasadori të shpallej “non grata”

Deputeti i PS, Erion Braçe, pasi ka lexuar intervistën e Amabsadorit në ikje, Arvizu, te Java, nuk i ka kursyer komplimentat. “Plot kanë kontribuar që kjo të ndodhë, pra që liria të ketë kuptim në këtë vend. Ka plot shqiptarë që e bënë të mundur këtë, madje duke e paguar shumë, shumë shtrenjtë. Por ka dhe plot të huaj që e bënë këtë si shqiptarë, u ndien si shqiptarë” shkruan Braçe për njeriun që më 21 janar 2011 u anatemua gjerësisht pikërisht pse quajti Berishën “burrë shteti”.

Ambasadori Arvizu është njëri prej tyre dhe për këtë meriton një fjalë të thjeshtë: Faleminderit!”, shkruan Braçe në FB.

“Tani, kur kujtoj se një ndër ne kërkoi ca ditë më parë që tamam ambasadori Arvizu të shpallej ‘person i padëshiruar’ për këtë vend [në lidhje me armët kimike]; kur lexoj një intervistë të tërë, e cila reflekton gjithë sa ndodhi ca ditë më parë e nuk gjej asnjë shenjë përbuzjeje, refuzimi, mllefi, përkundrazi gjej fjalë respekti, më duhet të them: Ambasador, do ta kesh gjithnjë një derë të hapur e një tavolinë shqiptare në këtë vend, kudo që të jesh, në Veri apo në Jug të tij. Kudo. Edhe për 100 vitet e tjera”, thekson Braçe.

k.c.