Një problem i pazgjidhur 23-vjeçar: Festat të ndara, opozita feston vetëm 28 Nëntorin; pozita, të dyja, edhe 28-ën edhe 29-ën!...

Festat e Nëntorit i gjejnë përsëri të ndarë të djathtën e të majtën në Shqipëri. Siç ka ndodhur çdo vit, e djathta ka preferuar t’i përkujtojë në një ditë edhe Ditën e Pavarësisë dhe të Çlirimit duke mos e njohur festën e 29 Nëntorit si dita e Çlirimit nga pushtuesit nazifashistë për shkak të historisë së errët të luftës mes dy krahëve kundërshtarë mes shqiptarëve komunistëve dhe ballistëve, që simbolizon kjo ditë. Kështu deputetë të djathtë, Kryetari i Bashkisë së Tiranës e njëherazi, kryetar i PD, z. Lulzim Basha kanë zgjedhur pikërisht 28 Nëntorin për të bërë homazhe në Varrezat e Dëshmorëve në monumentin e Nënës Shqipëri me rastin e Ditës së Çlirimit. Krahas fjalëve përshëndetëse për Shpalljen e Pavarësisë, Basha ka kujtuar edhe dëshmorët.

Ndërkohë që, po në të njëjtën orë, në Vlorë Presidenti i Republikës Bujar Nishani ngriti Flamurin dhe mori pjesë në ceremoninë zyrtare bashkë me pozitën qeverisëse, Kryetarin e Kuvendit, Ilir Meta dhe Kryeministrin Edi Rama. Ndërsa opozita i ka mbyllur dje festimet, për pozitën ato vazhdojnë edhe sot me ceremonitë kushtuar 29 Nëntorit, Ditës së Çlirimit dhe Natën e Kadrit, që Edi Rama e ka kthyer në festë tradicionale të kryeqytetit.

Zh.