Për Geri Kokalarin, mjafton “privatizimi” i Albpetrolit që Berisha të ndiqet penalisht

Për aktivistin shqiptaro-amerikan Geri Kokalari, mjafton çështja e privatizimit të dështuar të Albpeptrolit për ta ndjekur penalisht ish kryeministrin Berisha. Kokalari ka dhënë një intervistë për gazetën Dita, ku thotë se garancia prej 80 milionë eurosh që qeveria deklaroi se ishte paguar në një bankë amerikane për këtë privatizim, është gënjeshtër: “Më 13 dhjetor 2012 kam marrë një email nga këshilltari ligjor i American Chartered Bank, që thotë në mënyrë eksplicite dhe kategorike se banka nuk ka lëshuar asnjë garanci në mbështetje të ofertës së Vetro Silk Road për Albpetrolin”. I dyshimtë është në këtë histori edhe roli i konsulentit amerikan Patton Bogs. Por nga ana tjetër, Kokalari thotë se lufta ndaj korrupsionit në Shqipëri nuk duhet të vijë si kërkesë e të huajve qoftë dhe BE-ja, por si thirrje emergjente e vetë shqiptarëve me votën massive të 23 qershorit. “Në të kundërt”, thotë ai, “nëse Rama e toleron Berishën, ai shumë shpejt do ta humbasë besimin e shqiptarëve dhe të partisë së vet”.

a.k