Politikë

Me protestën e Partisë Demokratike më 8 dhjetor është marrë sot edhe Fatos Lubonja, që e sheh atë si reagim ndaj dhunës shtetërore në zbatim të disa politikave të caktuara.

Dërgohet për gjykim dosja në ngarkim të Francesco Becchettit. Prokuroria e  Tiranës ka dërguar për gjykim kërkesën për skemën e dyshuar mashtruese “KGE” në ngarkim të të pandehurve Francesco Becchetti, Liliana Condimi, Mauro de Renzi dhe Eriona Troplini, Stavri Peçi, Fetah Dervishi dhe Sokol Koçi.Prokurorët e çështjes kanë ngritur akuzë për shtatë persona, mes të cilëve edhe vetë Francesco Becchetti, ndaj të cilit gjykata ka dhënë masën e sigurisë “arrest me burg në mungesë”.

Njëri nga protagonistët kryesorë të lëvizjes së Dhjetorit të vitit 1990 që shënoi lindjen e pluralizmit politik dhe shënoi rrëzimin e komunizmit në Shqipëri, një nga themeluesit e Partisë Demokratike, të parës parti opozitare pas 45 vitesh diktaturë, Besnik Mustafaj në një intervistë për gazetën “Shqiptarja.com” bën një “skaner” të zhvillimit të asaj periudhe, por dhe në gjithw këto vite.

Gjatë diskutimit nen për nen të projektligjit për vetëqeverisjen vendore, deputeti socialist Bashkim Fino ka propozuar që të marrë fund katapultimi i kryebashkiakëve në krye të partive politike parlamentare.
Sipas Finos, partitë politike duhen konsideruar si pasuri publike, ndaj edhe kryebashkiakët duhet të respektojnë votëbesimin e qytetarëve. Propozimin e tij Fino e konkretizoi me shembullin e Tiranës, ku theksoi se nëse kryebashkiaku Erion Veliaj do të kërkojë të jetë në krye të Partisë Socialiste, atëherë në kryeqytet duhet të zhvillohen sërish zgjedhje vendore.

Ministria e Drejtësisë ka gati ligjin për amnistinë për festat e fundvitit, nga i cili pritet të përfitojnë disa kategori të dënuarish. Drafti që është hartuar nga specialistët e ministrisë së Drejtësisë pritet të miratohet në një prej seancave të fundit të sesionit parlamentar. Sipas lajmit të publikuar në “Balkanweb”, në projektligj përcaktohet se nga amnisttia përfitojnë personat e dënuar deri në 2 vjet , personat e dënuar me kusht, me gjobë apo personat për të cilët gjykata ka përcaktuar forma alternative dënimi.

Kryeministri Edi Rama, ka menduar t’u nisë një letër subjekteve private, biznes i vogël, të cilët përdorin kasën rregullisht. Në letër, Edi Rama kryen ritualin e falënderimit, duke konsideruar se heqja e taksës për biznesin e vogël, ishte pasojë e luftës 30 ditore a diçka më tepër, kundër informalitetit. Thotë kryeministri:  “Xhiroja juaj e deklaruar vjetore ju bën përfitues të rezultatit më kuptimplotë të arritur deri tani në luftën tonë të përbashkët, kundër informalitetit. Ulja në zero e taksës mbi fitimin Tuaj.

Shqipëria duhet të rrisë nivelin e gatishmërisë përballë kërcënimeve që vijnë nga lindja. Ky ka qenë mesazhi që ka përcjellë në Tiranë, shefi i Aleancës së NATO-s, Jens Stoltenberg, duke thënë në mënyrë të drejtëpërdrejtë se Shqipëria ka një rol kycc në stabilitetin e Ballkanit Perëndimor. “Siguria jonë po sfidohet në drejtime të ndryshme dhe NATO po i kundërpërgjigjet duke iu përshtatur një mjedisi të ri sigurie, po rrisim gatishmërinë e forcave tona. Kemi një forcë dyfish më të madhe të reagimit dhe kemi një prani ushtarake të rritur në pjesën lindore të Aleancës.

Sot është Dita Ndërkombëtare e të Drejtave të Njeriut dhe në këtë kuadër janë organizuar disa aktivitete. Partia Bashkimi për të Drejtat e Njeriut ka organizuar tryezë të rrumbullakët, në të cilën kryetari i saj, Vangjel Dule ka përsëritur vërejtjet për “mungesën e një regjistrimi të popullsisë  në Shqipëri sipas standardeve dhe parametrave të Këshillit të Europës si edhe faktin  se jemi i vetmi vend që aspirojmë integrimin ne familjen europiane dhe nuk kemi ende një ligj integral për të drejtat e minoriteteve”.

Ben Blushi, deputet dhe anëtar i Kryesisë së Partisë Socialiste ka bërë kritika ndaj sistemit partiak në Shqipëri, i cili vetëm recepton, por nuk reagon. “Ka ardhur koha të ndryshojmë, partitë politike janë kthyer në ndërmarrje. Nuk jam i vetmi në Shqipëri që ka guxim, ka ardhur dita për të bërë diçka ndryshe. Jemi brenda partive që nuk të lejojnë të flasësh e të botosh. Shqiptarët votojnë dhe besojnë për politikanët ‘e vdekur’”, tha Blushi nga qyteti i Korçës. A paralajmëron kjo një iniciativë të re politike?