Politikë

Dosjet, ato ku ende gjithfarë pseudonimesh, jetojnë pa u identifkuar, nuk do të hapen as këtë sesion parlamentar. Politika, edhe qeveria e tanishme, e ka shumë të vështirë t’u thotë shqiptarëve ja krimi i Diktaturës. Kanë kaluar 25 vjet, por mbulimi dhe fshehja janë e vetmja fotosintezë për këtë politikë që nuk lëshon pe, nuk i hap rrugë të ardhmes, në emër të një instrumenti që tanimë është thjesht dhe vetëm taktik.  Daut Gumeni, një publicist që vjen nga përndjekja politike, thotë për “Javanews” se kjo që po ndodh tregon se “procesi nuk ka vëmendjen e duhur”.

Në kohën kur nga partnerët ndërkombëtarë vijnë sinjale që deputetët të votojnë në mënyrë të pavarur për reformën në drejtësi,mazhoranca humbet një tjetër votë  të ish-aleatit të saj. Kreu i PBDNJ-së, Vangjel Dule doli me një deklaratë për shtyp  ku përveçse inkurajoi dialogun kërkoi që mazhoranca të plotësojë kërrkesën e opozitës për nenin 88.

Romana Vlahutin, ambasadore e Bashkimit Europian në Tiranë, ka provuar sot shijen e shpërfilljes nga përfaqësues të qeverisë shqiptare. Top-Channel raporton se zv.ministrja e Integrimit, Eralda çani është vonuar për 15 minuta në një takim me studentë në kuadër të avantazheve që ka Shqipëria nga integrimi në BE. Zv.ministrja i ka shtuar ëmbëlsirën vonesës së vet: “Unë në fakt nuk di çfarë mund të them.

Lëvizja Socialiste për Integrim ka artikuluar sot në mënyrë të qartë se cili është pozicioni i saj për procedurën politike të miratimit të reformës në drejtësi. Nëse aleati i saj kryesor në qeveri, Partia Socialiste ka hapur mundësinë e rrjedhjes së votave nga opozita, LSI-ja ka dalë sot kundër. “Kjo do të çonte në një tjetër krizë politike”, tha Petrit Vasili, kryetar i Grupit Parlamentar të LSI-së. Sipas tij, nëse opozita nuk jep dakordësinë mirë është të kalohet në referendum.

Kuvendi nuk ka parashikuar në kalendarin trejavor të punimeve mbajtjen e seancës plenare këtë të enjte. Kjo u ka dhënë mundësi dy grupimeve kryesore politike në vend, që të tentojnë edhe për një javë tjetër gjetjen e një zgjidhjeje lidhur me pikën që ka bllokuar finalizimin e këtij procesi të gjatë dhe që ka të bëjë pikërisht me vendet e rezervuara në 4 nga institucionet e reja që krijohen në piramidën e sistemit të drejtësisë.

Në deklaratën e dy ditëve më parë teksa përshëndeti miratimin e draftit të reformës në drejtësi, ambasada amerikane nxiste dialogun mes pozitës dhe opozitës për gjetjen e dakordësisë edhe për pikën e mbetur pezull të vetingut. Por kjo thirrje duket të jetë përfshirë formalisht në tekstin e deklaratës, pasi SHBA ka ndërprerë komunikimin me selinë e Partisë Demokratike dhe e gjithë shpresa është në ndërgjegjësimin e deputetëve të veçantë brenda opozitës për votimin e reformës në drejtësi, duke qenë se mazhoranca e vetme nuk i bën 94 vota.

Elvis Rroshi i ndodhur në gjendje arresti pas akuzave për falsifikim të formularit të dekriminalizimit do të tentojë një rrugë të tërthortë për t’i shpëtuar dënimit nga gjykata dhe kapitullimit politik. Ai ka angazhuar  avokatin dhe politikianin e njohur italian Francesco Paolo Sisto në një betejë ligjore që do shkon përtej vlerësimit për ligjshmërinë e arrestimit të kryebashkiakut të Kavajës. Ekspertiza juridike e avokatit italian do të godasë pikërisht kushtetueshmërinë e ligjit të dekriminalizimit që u mohon personave me dëshmi të pastër penaliteti të ushtrojnë funsione publike.

Shqipëria po merr pjesë në Ministerialin e Brukselit, ku ministrat e Mbrojtjes të vendeve të NATO-s po diskutojnë “mbi projektimin e stabilitetit përtej kufijve të NATO-s”. Ministrja e Mbrojtjes së Shqipërisë, Mimi Kodheli ka premtuar se vendi ynë do të dyfishojë numrin e trupave shqiptare që marrin pjesë në misionin e NATO-s në Afganistan “Resolute Support”. Po kështu ministrja ka përsëritur gatishmërinë e Shqipërisë për të marrë pjesë në operacionet në Egje me mjetet detare të vendit tonë.  

Ardian Çipa, zv/drejtori i Përgjithshëm të Policisë së Shtetit për seksionin e Krimeve të Rënda, kërcënon prokurorët. Kështu pretendon ish-kryeministri Sali Berisha, i cili gjatë një bashkëbisedimi me gazetarët ka kërkuar nga Prokuroria që të nisë hetimet ndaj Çipës. “I bëj thirrje Prokurorisë të nisë menjëhërë hetimet kundër Ardian Çipës, një mercenar i ndyrë që kërcënon njëlloj si Shullazi, prokurorë të këtij vendi. Çështja tjetër e dënueshme ëshë ajo e një mercenari ndaj të cilit ligji duhet të veprojë me urgjencë: Ardian Çipa.

Kryetari i Partisë Demokratike, Lulzim Basha ka ripërsëritur sot kërkesat për draftin e reformës në drejtësi, pas takimit me ministrin e Jashtëm, Steinmeier. Duke iu përmbajtur opsionit të Venecias, Basha tha se qëndrimi i mazhorancës nuk është koherent. “Vende të rezervuara tha që nuk jap por përfaqësimin proporcional për dy organet është gati ta japë. Hajde tani ta intepretojmë këtë. A nuk tha të njëjtën gjë dje?! A nuk është ky një pranim i pjesshëm i rekomandimit 88-të?! Këtë thotë ky rekomandim që ky thotë që nuk e kam lexuar megjithëse ia kam lexuar ditën e hënë, javën e kaluar.