Politikë

Mediat maqedonase po i kushtojnë vëmendje lëvizjeve të përfaqësuesve politikë shqiptarë në vendin fqinj, prej të cilëve varet fati i qeverisë së ardhshme. Mënyra sesi po shihen ecejaket e Ali Ahmetit sidomos në Tiranë, në takimet e tij me kryeministrin shqiptar, në kujtojmë atë klimë që shoqëron në Shqipëri vizitat e Vangjel Dules në Athinë.

Kryeministri doli në një konferencë interaktive me mediat dhe publikun njëkohësisht në rrjetet sociale për të bërë një bilanc të punës 3 vjeçare të qeverisë, e ndërtuar sipas modelit pyetje-përgjigje. Fillimisht kreu i qeverisë bëri një panoramë të sukseseve siç i quajti reformat e ndërmarra në këtë periudhë nga qeveria e tij, duke folur për një model ekonomik që për vitin e ardhshëm do të japë një rritje ekonomike 3.5 për qind dhe fokusohet në marrëdhëniet e Partneritetit Publik Privat, të njohura ndryshe si praktika e konçensioneve.

Këto javë është folur disa herë për shmangien e një atentatit terrorist në ndeshjen Izrael – Shqipëri që u luajt në Elbasan Arena. Përfaqësues politikë të qeverisë shqiptare u mburrën se “(ne) parandaluam sulme terroriste”, duke vijuar me atë buzëqeshjen misterioze të atij që kushedi se çfarë di, por nuk I lejohet të flasë. Në fakt, ambasadori amerikan në Kosovë, Greg Delawie, gjatë një bisede me “RTV Dukagjini” ka zbuluar më shumë sesa “mistikët” e antiterrorizmit në Tiranë.

Besnik Aliaj, këshilltar i PD-së në Këshillin Bashkiak të Tiranës, deklaroi sot se do të jepte dorëheqjen nëse miratohej plani urbanistik i Tiranës. Aliaj ka bërë të alarmuarin duke e kritikuar atë. Mirëpo Veliaj ka reaguar në mbledhjen e Këshillit Bashkiak duke dhënë këto sqarime që kompromentojnë moralin e fabulës së treguar nga këshilltari demokrat:

Kryetari i Bashkisë së Kavajës, që zyrtarisht njihet me emrin Elvis Roshi, nuk do të jetë më në këtë detyrë. Edhe deputeti i LSI-së, Shkëlqim Selami po ashtu nuk do të jetë më deputet. Bashkë me këta është edhe Dashamir Tahiri I PDIU-së. Vendimin për t’i zhveshur këta të zgjedhur të popullit nga mandati përfaqësues e ka marrë Komisioni Qendror i Zgjedhjeve i cili me votë unanime ka vendosur të aktualizojë efektet e ligjit për dekriminalizimin për Roshin dhe Selamin. Për Tahirin, 3 anëtarë të KQZ-së kanë votuar kundër. 

Pasi prokuroria dhe Gjykata e Lartë kanë mbyllur çështjet mbi privatizimin e CEZ dhe zgjidhjen me mirëkuptim të konfliktit me kompaninë çeke, kryeministri Rama i thirrur në Komisionin Hetmor të ngritur me iniciativë të opozitës, pranoi sot se ai personalisht dhe qeveria e tij ishin nën presion të madh dhe kërcënimin e palës çeke për t’i vendosur veto Shqipërisë në për marrjen e statusit të vendit kandidat.

Koço Kokëdhima ka qenë dje i ftuar në emisionin “Zululand” në “TemaTv”. Ai është pyetur për një sërë çështjesh, mes të cilave edhe marrëdhëniet me Greqinë dhe politika e jashtme e Shqipërisë nën drejtimin e Edi Ramës. Kokëdhima ka shprehur vlerësime maksimale për emigrantët shqiptarë në tërësi, duke i quajtur emigrantët në Greqi, “pjesa më e mirë e shqiptarëve”. Kjo pasi sipas tij, ata kanë qenë për një kohë të gjatë kontribuues të ekonomisë, kanë përballuar sakrifica të mëdha dhe diskriminim, por edhe janë ndjerë të lënë pas dore nga shteti i tyre.

Ministri i jashtëm grek, Nikos Kotzias, ka deklaruar se, pavarësisht tensionimit të marrëdhënieve me Shqipërinë, po vazhdojnë përpjekjet për zgjidhjen e problemeve dypalëshe. Në një intervistë për agjencinë zyrtare të lajmeve, ANA-MPA, Kotzias është ndalur gjatë në konkluzionet e presidencës sllovake për ecurinë e procesit të integrimit europian të Shqipërisë. Ai  tha se “dialogu vazhdon, madje ditët e fundit ishte në Athinë zëvendësministrja e jashtme shqiptare, që zhvilloi takime me homologët grekë”.

Komisioni Qëndror i Zgjedhjeve u vu këtë të mërkurë përballë fakteve të Prokurorisë për kryebashkiakun e Kavajës, Elvis Rroshi, dhe deputetët Shkëlqim Selami dhe Dashamir Tahiri, të cilët organi i akuzës i ka klasifikuar si subjekte të ligjit të dekriminalizimit, pasi janë ndaluar apo dënuar nga gjykatat e huaja për vepra të ndryshme penale.

Këta të fundit nuk i kanë pasqyruar dënimet në fomularin e dekriminalizimit, çka detyroi Komisionin Qëndror të Zgjedhjeve të kërkojë verifikimin e Prokurorisë.

Banorët e Zharrës në Fier janë futur në grevë urie prej disa ditësh në përpjekje për të ndërgjegjësuar qeverinë të ndërhyjë për ndërprerjen e shpërthimeve nga kompania "Bankers" në këtë zonë, çka ka shkaktuar dëmtim të banesave të tyre për shkak të lëkundjeve të tokës. Qeveria nga ana e saj ka ngritur një grup pune për të verifikuar situatën që thuajse përsëritet çdo vit, por që deri më tani nuk ka marrë zgjidhje për arsye që vetëm sa shtojnë dyshimet.