Politikë

Kryeministri i vendit Edi Rama ndau me Top-Channel sqarimin e vet se nuk i kishte propozuar Lulzim Bashës pazarin kryeministër ai, president për vete. Me një inskenim fare bajat, kryeministri nuk mendoi të shkruante apo fliste në vetë të parë, qoftë edhe në ERTV, por zgjodhi një media të preferuar. Të njëjtën gjë bën sot ambasada amerikane në Tiranë, që përmes burimeve anonime që merren vesh kush janë, njofton popullin përmes këtij televizioni se:

Partia Socialiste është për listat e hapura, sepse këtë e kërkon populli.

Partia Socialiste ishte kundër listave të hapura sepse cenoheshin themelet e Republikës.

Çfarë do Partia Socialiste veç karriges, di gjë kush? Dhe ky eksperti i çështjeve zgjedhore dhe prokuruese, Gjiknuri, ka ndonjë mendim për veten që e sheh si aktor komedie në videot e një partie tjetër?

Kreu i PD-së, Lulzim Basha, në një dalje para gazetarëve bëri publike një ofertë që sipas tij i ka ardhur në mënyrë persisitente nga kryeministri Rama.

“Për një muaj e gjysmë, Rama më ka dërguar ndërmjetës: Ti kryeministër, unë president, vetëm të heqim koalicionet. Kështu e shikon Edi Rama politikën, si një pazar të ndyrë. Kryeministri në ikje nuk e prek dot Kushtetutën”, tha Basha.

Kryeministri Edi Rama tha sot se ai nuk është kundër listave të hapura dhe në këtë qëndrim ka mbështetjen e partisë. Në një konferencë shtypi në mesditë, Rama tha se maxhoranca ka vendosur të mbështesë hapjen e listave, një qasje që sipas tij përkon me dëshirën e një pjese të madhe të votuesve shqiptarë.

Siç mund të pritej opozita aksidentale parlamentare është çarë. Deputetë të saj kanë pranuar të votojnë reformën zgjedhore sipas marrëveshjes PS-PD-LSI. Nëse do të pyesë kush cilët janë këta deputetë, do të mendonim se kemi të bëjmë me ndonjë kuriozitet të dikujt që po zgjidh fjalëkryqet e Kadri Vokopolës në ndonjë lokal. 

Kreu i Urgjencës Kombëtare, Skënder Brataj, ka deklaruar dje se masa kryesore për kufizimin e epidemisë mbetet maska dhe distancimi social. 

Po të zbatohen rregullat për dy tre javë do ulen shifrat. Ne duhet të bashkëjetojmë me virusin. Të vëmë maskën, distancën dhe higjienën

u shpreh Brataj.

Askush nuk mund të njollosë historinë e UÇK-së dhe të popullit shqiptar. Kjo është një thuajse bindje e përgjithshme në mesin tonë, pasojë e pakorrigjueshme e historiografisë dhe pedagogjisë nacionaliste të Enver Hoxhës që nuk toleronte asnjë kritikë, asnjë mëdyshje dhe asnjë rishikim. Ministri në detyrë për Punët me Jashtë në Shqipëri, i diplomuar për filozofi e që aq shumë na u shit si mendje e hapur dhe e re në një mjedis të mykur si ai i Tiranës, e ka shumë të natyrshme t’i bashkohet këtij kori të unitetit.

Shkelësit e rregullave në kushtet e pandemisë do të ndëshkohen me gjoba apo burg. Paralajmërimin e ka bërë Kryeministri i vendit Edi Rama, që ka bërë thirrje që njerëzit të mbajnë maska në vende të mbyllura.

Nuk është e qartë se çfarë e shtyn kryeministrin të njoftojë personalisht masat administrative dhe penale për ata që quhen shkelës, kur ligji vetë e parashikon qartë këtë. Aq më tepër nuk ka kuptim ky paralajmërim kur çdo masë teorikisht apelohet në gjykatë. Ndoshta z. Rama po bën me dije masat në fuqi për të shmangur vendosjen e sanksioneve.

John Bolton, ish-këshilltari i Sigurisë i Presidentit amerikan, ka deklaruar sot në një intervistë për Fokus Tv, se idenë e shkëmbimit të territoreve Kosovë-Serbi e ka propozuar dyshja Thaçi-Vuçiç.

Deklarata e Bolton rrëzon kështu akuzën që iu bë atij një javë më parë nga Richard Grenell se ideja e ndarjes nuk është e administratës Trump, por vetëm e Bolton. Madje Grenell shkoi më tej duke deklaruar se po paguan një faturë personale për këtë keqkuptim.

Sot në Tiranë ka qenë kryeministri i Kosovës, Avdullah Hoti. Në konferencën për shtyp me homologun e tij, Edi Rama, është njoftuar mbledhje e përbashkët mes dy qeverive si dhe janë lëshaur disa deklarata me karakter sensacional. P.sh z. Rama ka deklaruar se Vuçiç nuk mund të negociojë me Perëndimin për shqiptarët, diçka që nuk ka asnjë lloj kuptimi dhe nuk i përgjigjet pyetjes së bërë për deklaratën e Vuçiç se do të negociojë me shqiptarët.