Lajme

Presidenti amerikan komentoi me një mesazh në Twitter vendimin e  Këshillit të Sigurimit të OKB-së për të miratuar unanimisht projekt-rezolutën për vendosjen e sanksioneve të reja kundër Koresë së Veriut.

Nga sqarimi i ministrit të Jashtëm Ditmir Bushati për votën pro të Shqipërisë në OKB vështë vetëm një gjysëm fjalie që mund të shpjegojë qëndrimin pragmatist në favor të rezolutës së mosnjohjes së Jeruzalemit si kryeqytet i Izraelit, pavarësisht argumentit të gjatë se qeveria i është përmbajtur parimeve ideologjike që lidhen me traditën e Shqipërisë në trajtimin e konflikteve të Lindjes së Mesme.

Vështirë të gjendet ndonjë precedent me aktin e sotshëm të presidentit të Shqipërisë, Ilir Meta. Me anë të një letre drejtuar kryetarit të një shteti të huaj, ai kërkon falje për një votë të ambasadores së Shqipërisë në OKB, një organizatë kolektive në të cilën vendi ynë aderon prej dekadash.

Presidenti Ilir Meta nuk ka vonuar për të çuar më tej betejën politike me kryeministrin Edi Rama duke shfrytëzuar qëndrimin kundër të Shqipërisë në Organizatën e Kombeve të Bashkuara lidhur me rezolutën ndaj Jeruzalemit.

Ai i është drejtuar me një letër presidentin amerikan, Donadld Trump ku përveçse i shpreh keqardhjen thotë se do kërkojë shpjegime për votën kundër të Shqipërisë, e cila sipas tij bie ndesh me interesat e partneritetit strategjik mes dy vendeve.

Kryepeshkopi i Kishës Orthodhokse Autoqefale të Shqipërisë, Anastas Janullatos, thotë se pasardhësi i tij inë krye të kishës do të jetë shqiptar. Në një intervistë për tv Sky me gazetarin Alexis Papachelas, ai është pyetur për këtë çështje dhe ka shprehur qartë pikëpamjen e tij.

Zhurma e krijuar me votimin e Shqipërisë në OKB duket se po fryhet politikisht më shumë nga pesha reale e këtij qëndrimi për marrëdhëniet shqiptaro-amerikane.

Ndonëse qeveria shqiptare nuk ka qenë bindëse në argumentimin që i ka bërë votës së saj, ajo thotë se ka informuar për qëndrimin që do të mbante ndaj rezolutës për Jeruzalemin të gjitha institucionet që kanë kërkuar të kenë dijeni për këtë proces.

Më 18 janar do të fillojë kërkimi, zhvarrimi dhe  identifikimi i ushtarëve grekë të rënë në luftën italo-greke të viteve 1940-1941, sipas saj që është rënë dakord mes dy qeverive. Mediat greke raportojnë se puna do të fillojë nga zona e Dragoit në Elbasan. Ky vendim është arritur nga Komiteti i Përbashkët i ekspertëve mes Greqisë dhe Shqipërisë, i cili mblodh në Athinë pas vendimit të qeverisë shqiptare për të nisur zbatimi i marrëveshjes përkatëse dypalëshe.

Boris Johnson i ka shtrirë dorën e miqësisë të Moskës duke thënë se ai vetë është një “rusofil i përkushtuar”, ndërsa ka hedhur poshtë zërat se ekzistojnë dëshmi për ndërhyrje ruse në çështjen e Brexit dhe zgjedhjet parlamentare të qershorit. Sekretari i Jashtëm britanik është i pari që viziton Moskë pas vrasjes së ish-agjentit rus Aleksandër Litvinenko në vitin 2006 në Londër, duke çuar në përkeqësimin e marrëdhënieve dypalëshe.

Publikimi i vlerësimeve të vitit 1996 dhe ndryshimi i disa neneve të të ligjit për trajtimin e pronës, për shoqatën “Pronësi me Drejtësi” vijon të përkeqësojë më tej interesat e ish-pronarëve.  Përfaqësuesi Myrshit Vorpsi në një intervistë për "Tema TV" komenton ndryshimet e fundit dhe i bën thirrje pronarëve të ankimojnë vendimet në Gjykatë. Sipas tij, fryma e ligjit në fuqi shkon drejt një konfiskimi, ndërkohë që ligji i 1945-ës, bëri shpronësim pa dëmshpërblim. 

Në politikë të jashtme nuk e kemi luksin të mos dallojmë faktet nga trillimet. Për ata që ende besojnë te faktet, vota e Shqipërisë dje në Asamblenë e Përgjithshme të Kombeve të Bashkuara nuk është një votë kundër SHBA, por shprehje e qëndrimit tonë koherent, parimor e të pandryshuar në vite, bazuar në konsensusin ndërkombëtar të shprehur në dokumentet e panumërta të OKB-së dhe Rezoluta të Këshillit të Sigurimit, të cilat kanë fuqi detyruese, sikundër në linjë të plotë me qëndrimet e shumicës dërrmuese të vendeve anëtare të OKB-së, NATO-s dhe BE-së, partnerë historikë të SHBA-ve.