Lajme

Donald Lu kapërcen pragun e misionit të vet diplomatik për të rrëfyer lart e poshtë nëpër Shqipëri sesi shqiptarët duhet të respektojnë komunitetin LGBTI. Në një konferencë për të drejtat e pompuara të këtij komuniteti z. Lu që është përfaqësues i SHBA në Tiranë dhe asgjë më shumë se kaq, ka përmendur edhe emra deputetësh që sipas tij janë kundër këtij komuniteti.

Kryetari i Grupit Parlamentar të Partisë Demokratike, Edmond Spaho, ka përsëritur sot gjatë një interviste për TvT se opozita i përmbahet idesë për heqjen  e tarifës për kalimin një rrugën Durrës-Kukës. Sipas tij, taksat kombëtare që vilen për mirëmbjatjen e rrugëve mjaftojnë në këtë drejtim. Ai është pyetur për dallimin mes koncesioneve të dhëna së fundmi dhe atyre të dhënë p.sh nga PD-ja, konkretisht për atë të skanimit në dogana. Z. Spaho ka deklaruar se skanimi në dogana ka qenë kusht për heqjen e vizave me BE-në.

Hetimet mund të çojnë shumë shpejt Sajmir Tahirin drejt ndjekjes penale. Ambasadori amerikan në Tiranë Donald Lu deklaroi në emisionin opinion se për departamentin e Shtetit hetimi për ish-ministrin e Brendshëm por edhe ai për ish-kryebashkiakun e Kavajës, Elvis Roshi do të provojnë nëse prokuroria do të veprojë e pandikuar politikisht.

Rrëmbimi i 6 shtetasve turq nga Kosova duket të jetë vetëm maja e ajsbergut, e një operacioni të Inteligjencës Turke (MIT) të shtrirë në 18 vende të botës. Zv/kryeministri turk Bekir Bozdağ tha në një intervistë për mediat e vendit të tij se agjentët turq kanë rrëmbyer dhe kanë transferuar në Turqi deri tani 80 vetë të akuzuar për lidhje me rrjetin e Fetullah Gylen.

"Misioni i MIT është të mbledhë informacione. Ne i kemi dhënë MIT-së autoritetin për të kryer operacione edhe jashtë vendit"- tha ai, duke konfirmuar se operacionet do të vazhdojnë.

Ka një ngjashmëri të personazheve që prodhon politika në Shqipëri me gjetjet regjisoriale të kinemasë së para viteve 90’. Një panoramë që përveçse konfirmon arritjet e Kinostudios Shqipëria e Re, na ndihmon të kuptojmë se vazhdojmë të jemi peng i tipologjive që personifikojnë degradimin e pushtetit dhe komizmin që e shoqëron një fazë të tillë. Kryeministrit që kemi i rri mirë ky kostum, pasi për të disatën herë  detyrohet të justifikojë me teorizime tërheqjen nga “marrëzitë” që ndërmerr vetë.

Në shenjë proteste për vendimin e përfshirjes në regjimin e TVSH-së, tregtarët e tregut ushqimor në Tiranë kanë ulur qepenat për afro dy orë. Të frikësuar për të dalë para kameras, ata shprehen se rruga e vetme tashmë mbetet falimentimi.

TemaTv

Kryetari i Partisë Demokratike, Lulzim Basha, ka kërkuar sot nga protesta e organizuar nga opozita, që tarifa e rrugës Durrës-Kukës të hiqet.

Taksa të anulohet tërësisht, Rama të heqë taksën se është e padrejtë për çdo shqiptar, është një taksë e dyfishtë. Shqiptarët paguajnë plot 200 milionë euro për rrugët. Të marrë fund ky shtet, i cili është në shërbim të kriminelëve. Do vazhdojmë deri në fund. Fitorja është kur shteti dhe institucionet të kthehen në shërbim të qytetarëve

tha Basha.

Nuk do të ketë luftë me Turqinë. Nuk ka ndonjë arsye objektive për këtë.

Nxënësit e gjimnazeve në kryeqytet janë të ndarë pro dhe kundër, përsa i përket pjesëmarrjes në takimet me përfaqësues të komunitetit LGBTI. Ndërsa, mësuesit nuk bëjnë asnjë koment, po ashtu edhe autoritetet e Ministrisë së Arsimit mbajnë heshtje rreth aksionit të LGBTI në shkolla.

TemaTV

Një nga premtimet e hershme të Partisë Socialiste dhe posaçërisht të kryeministrit Edi Rama për diferencimin e tvsh-së për mallrat e shportës është hedhur përfundimisht në kosh.

Ministri i Financave Arben Ahmetaj i pyetur nga deputetët në grupin parlamentar socialist deklaroi se qeveria nuk ka asnjë plan për të ulur normën e tvsh-së edhe pse vende të tjera të rajonit e kanë normën e tvsh-së më të ulët se Shqipëria.