Lajme

Përpjekje të Rusisë për të sabotuar referendumin për emrin në Maqedoni ka denoncuar kryeministri Zoran Zaev, duke folur për përfshirje të biznesmenëve të fuqishëm grekë në nxitje trazirash, por pa përmendur emra.

Zaev tha në një intervistë për Buzzfeed se qeveria e tij ka marrë shumë ankesa se "biznesmenët grekë me lidhje të ngushta me  Rusinë  kanë paguar nga 13 000 deri në 21000 dollarë për të nxitur "incidentet të dhunshme "para referendumit.

Mbledhja e kësaj të hëne në komisionin e medias nuk ka sqaruar asgjë në lidhje me debatin e teatrit kombëtarë. Deputetët e opozitës kërkuan që të dinin pronarët kufizues me pronën e teatrit kombëtarë por interesit të tyre nuk iu përgjigj kryeregjistruesi Valdin Pjetri

Përfundoi rreth orës 16:30 të pasdites takimi historik i presidentëve të SHBA dhe Rusisë në Helsinki, ku Donald Trump u shfaq shumë entuziast si zakonisht, duke thënë se dëshiron të ndërtojë marrëdhënie të mira me Vladimir Putin.

"Mendoj se është një fillim i mirë për të gjithë botën”- u tha Trump gazetarëve në fund të takimit historik që zgjati më shumë se dy orë në pallatin presidencial në kryeqytetin finlandez.

Kryetari i Komisionit Parlamentar të Ekonomisë, Erjon Braçe, ka deklaruar sot se ligji për konçesionet do të ndryshojë. Sipas tij, dispozita që parashikon konçesione të pakërkuara, pra konçesione që vijnë si propozim i subjekteve private, duhet anulluar.

“Zemra” e Tiranës rrezikon të zhduket nga goditjet e ruspave dhe ligjeve speciale. Nevojitet hapësirë për ndërtime të reja, pikërisht aty, në atë pak vend që ka mbetur nga qendra historike e kryeqytetit shqiptar. Por shkatërrimi i Teatrit Kombëtar i epokës së fashizmit nuk është vetëm një çështje historie. Në lojë është edhe anëtarësimi i Shqipërisë në BE. Akuzat e rënda të një spekulimi nga më klasikët, në një kornizë ligjesh që ka bërë “të fusë hundët” edhe FMN-ja.

Ndërroi jetë pas një sëmundje të rëndën aktori i njohur i humorit dhe i estradës, Fadil Hasa. Ai ishte nderuar me titullin “Artisti i Merituar” dhe është katër herë fitues i çmimit “Aktori më i mirë i humorit”.

Hasa ka luajtur qindra role në teatër, variete dhe kinemetografi. Ai i përket plejadës së artë të aktorëve të humorit, duke spikatur në paroditë dhe skeçet e humorit bashkë me grupin e humoristëve, Muharrem Hoxha, Haxhi Rama, Roland Koça

Drejtori i Përgjithshëm i Hipotekave Valdin Pjetri ka shërbyer sot për publikun shqiptar seancën e radhës në përpjekjen për të mbyllur debatin ligjor mbi teatrin kombëtar. Pjetrit i është kërkuar informacion mbi pronësinë ku po synohet të realizohet skema e biznesit të gjashtë kullave bashkë me prishjen e Teatrit Kombëtar por mesa duket informacioni ka qenë i pasaktë.

Edhe Gani Dizdari, anëtar i Gjykatës Kushtetuese është larguar nga sistemi i drejtësisë.  Komisioni i Pavarur i Kualifikimit e ka shkarkuar gjyqtarin për shkak të pasurisë dhe kontakteve me persona të inkriminuar.

Dizdari është gjyqtari I fundit i Kushtetueses që i nënshtrohet vettingut dhe me largimin e të cilit ajo kalon zyrtarisht në kolaps.  Vetëm dy anëtarë të Gjykatës në fjalë ja dolën përpara KPK-së, Bashkim Dedja që është kryetari dhe Vitore Tusha si anëtare.  Si pasojë e vettingut janë larguar ish-anëtarët e Kushtetueses Fatos Lulo, Altina Xhoxhaj dhe Fatmir Hoxhaj.

20 vjet pas fitimit të Botërorit në turneun që organizoi vetë, Franca arriti të fitojë sërish Kupën e Botës 2018.

"Gjelat" mundën 4-2 Kroacinë në një finale spektakolare që dhuroi shumë emocione, duke u kurorëzuar për herë të dytë në historinë e tyre si kampion të Botës. 

Përballë një Kroacie luftarake dhe me futboll perfekt, por e lodhur nga ndeshjet e mëparshme, Franca kishte cilësinë, energjinë dhe përqendrimin për të arritur objektivin. Një shpërblim për teknikun Deshamp, i cili bëhet i treti që e fiton Kupën e Botës edhe si lojtar edhe si trajner.

Kancelari austriak Sebastian Kurz është i mendimit se Bashkimi Europian duhet të mbyllë negociatat e pranimit me Turqinë dhe të mendojë një tjetër lloj bashkëpunimi me Ankaranë zyrtare. 

Negociatat mes BE-së dhe Turqisë duhet ta ndalojnë menjëherë

shprehet Kurz në një intervistë pë gazetën greke “Kathimerini”.