Lajme

Presidenti turk, Reccep Tayyip Erdogan ka njoftuar së fundmi se anijet kërkuese turke kanë zbuluar një fushë gazi në Detin e Zi që ka kapciatet 320 miliardë metara kub.

Turqia ka zbuluar zonën më të madhe gazmbajtëse në historinë e saj në Detin e Zi

është shprehur ai.

Presidenti i Algjerisë Abdelmadjid Tabboune ka bërë lajm dje teksa përmes një fjalimi akuzoi Francën për krime kundër njerëzimit gjatë dominimit kolonial prej saj të Algjerisë. Fjalimi u mbajt me rastin e Ditës së Muhajid që përkujton veteranët e Luftës së Pavarësisë e cila u zhvillua mes viteve 1954-1962.

Krimet ekspozuan edhe njëherë falsitetin e sloganit të qytetërimit francez

citohet presidenti.

Gjermania dhe Franca kanë njoftuar dje se një mbyllje tjetër e kufijve do të shmanget. Kancelarja gjermane Angela Merkel dhe Presidenti i Francës, Emmanuel Macron janë takuar në Fort de Brégançon për të diskutuar disa çështje me interes dypalësh dhe europian, mes të cilave edhe menaxhimi i pandemisë.

Ne përfundimisht duam të shmangim mbylljen e kufijve sërish. Ne ramë dakord që të punojmë shumë më ngushtësisht së bashku

ka deklaruar Merkel pas takimit.

Ben Affleck do të rikthet me rolin e Batman që kamuflon miliarderin Bruce  Wayne. Filmi pritet të shfaqet në vitin 2022 dhe në të luan edhe Michael Keaton, që dikur luante Batmanin në prodhimin e vitit 1989 nga Tim Burton, apo edhe Ezra Miller.

Fakti është bërë publik nga producenti Andy Muschietti për Vanity Fair që zbulon kështu një lajm për filmdashësit dhe ndjekësit e superheroit ndoshta më atipik.

Kërkues të universitetit Austin në Teksas të SHBA kanë vëzhguar në praktikë mënyrën sesi disa koloni bakteresh arrijnë të rezistojnë ndaj antibiotikëve. Ideja se bakteret vdesin për të shpëtuar tufën – nëse mund të shprehemi kështu – është hedhur herët, një dekadë më parë, por vetëm tani kjo verifikohet tërësisht.

Ish-këshilltari i Donald Trump, Steve Bannon është arrestuar sot nën akuzën e mashtrimit me fondet për ndërtimin e murit me Meksikën. Bannon dhe tre persona të tjerë akuzohen se kanë abuzuar me fondet e fushatës “Ne ndërtojmë Murin” përmes së cilës u mblodhën 25 milionë dollarë. 

Kryeministri i Shqipërisë ka gjetur një mënyrë të pazakontë për të deklaruar se si kryesuese e OSBE-së, Tirana zyrtare po bën më të mirën për krizën në Bjellorusi. Zotëria ka preferuar një apelativ rruge për të përmbledhur përgjigjen tij që e jep vërdallë nëpër Facebook: 

Disa shqipe të politikës së madhe që fluturojnë lart, po vrerosen pse nuk kam shkuar në Minsk dhe ia paskam humbur një shans Shqipërisë!
Në Minsk OSBE nuk shkon për selfie në protestë, po për të komunikuar me qeverinë dhe opozitën, çka kërkon aprovimin e të dyja palëve.

Media të ndryshme raportojnë se rivali kryesor politik i presidentit rus, Alexei Navalny ndodhet në gjendje kome dhe po trajtohet në spital pasi dyshohet se është helmuar. Sipas dëshmive të para, Navalny nisi të ndjehej keq gjatë fluturimit nga qyteti Siberian Tomsk drejt Moskës. Për këtë arsye avioni me të cilin po udhëtonte bëri ulje në Omsk dhe Navalny u dërgua në spital.

Ne mendojmë se Alexei u helmua me diçka që u përzie në çajin e tij. E vetmja gjë që ai piu në mëngjes

citohet zëdhënësja Kira Yarmysh.

Rasti George Floyd është përsëritur mesa duket në Belgjikë, por kësaj radhe me një qytetar sllovak. Sipas mediave belge, Jozef Chovanec është ndaluar në aeroportin Charleroi dy vjet më parë për shkak se kishte shkaktuar shqetësime gjatë fluturimit.

Rrezet kozmike të emetuara nga shpërthimi i një supernove(yje masivë të quajtur xhuxh i bardhë që janë në fazën e fundit të evolucionit të tyre dhe që përshpejtojnë fuzionin bërthamor) mund të jenë përgjegjëse për të paktën një zhdukje masive në Tokë. Ky është përfundimi i një studimi të udhëhequr nga profesori Brian Field nga universiteti i Ilinoisit që sugjeron se shpërthimet kozmike mund të kenë shkaktuar zhdukjen në masë 359 milionë vjet më parë, mes periudhave Devoniane dhe asaj Karbonifere.