Lajme

Në Mal të Zi kanë lindur debate për demarkacionin e kufirit me Kosovën, “Koha Ditore” referon gazetën “Blic” të Beogradit, teksa raporton se në Këshillin për Politike të Jashtme të Malit të Zi, deputeti i partisë opozitare, Fronti Demokratik, Milan Knezheviç, ka deklaruar se do të “propozojë një rezolutë sipas së cilës kufiri mes Malit të Zi dhe Kosovës të jetë ai i vitit 1913 kur Metohia (Dukagjini) ka qenë në përbërje të Mbretërisë së Malit të Zi”.

Me të njëjtin  model që dikur paralajmërohej shkarkimi ose lëvizja e drejtorëve të shtetit në kohën e komunizmit, edhe gazeta e botuesit dhe deputetit të Partisë Socialiste Koço Kokëdhima, kritikon ata drejtues të administratës që nuk po e bëjnë punën mirë dhe që nuk kanë realizuar planin. Gazeta “Shekulli” i ka marrë një intervistë ish-Presidentit Moisiu ku ndër të tjera e ka pyetur edhe për ato gjëra që duhen korrigjuar në qeverisjen e tanishme.

Në intervistë me DW Prof. Dr. Werner Daum, ish-ambasadori ad interim i Gjermanisë në Shqipëri (1987-1990), flet për hapjen e ambasadës më 2 korrik 1990, periudhën e ndryshimit dhe raportin e veçantë me Shqipërinë. Në kujtimet e tij Daum thotë: “Refugjatët e parë hynë në ambasadën greke, ata ishin shqiptarë të etnisë greke, që flisnin greqisht, nja njëzet të rinj, që shpresonin se në këtë mënyrë do të iknin nga vendi për të gjetur një të ardhme jashtë Shqipërisë.

Edhe Izet Haxhia, ish truproja i presidentit dhe kreut të PD-së Sali Berisha, ka diçka për të thënë pas rezultatit të zgjedhjeve të 21 qershorit. Përmes një reagimi të gjatë të botuar nga gazeta Dita, Haxhia shkruan nga Turqia se “PD duhet të ballafaqohet me të kaluarën e saj 25 vjeçare, me gabimet, dështimet, falimentimin e shtetit, kthimin e saj në një parti shtet, në një parti militare që shperndante armë për militantët e saj për të vrarë “vëllezërit opozitarë” të 92-shit, të cilët në vitin 1997 na u bënë rebelë komunistë!”

Kosova vuan nga një shkallë e rëndë papunësie, diçka e pranuar edhe nga qeveria, por shifrat e Agjencisë së Statistikave japin një panoramë vërtetë tronditës. Kështu, shkalla mesatare  e papunësisë në vend është 35.3 për qind për vitin 2014. Por papunësia në total është shumë më e lartë për femrat, rreth 42 për qind. Sipas matjeve të ASK-së, papunësia te të rinjtë, mes personave të moshës 15-24 vjeçare është 61 për qind. Tek femrat e reja është më e larta me 71.7 për qind, sesa te të rinjtë meshkuj me 56.2%.

a.j

Ndërsa pritet të fillojë në orën 19.00 një konferencë telefonike e ministrave të Financës së Eurozonës për të diskutuar propozimet e reja të Greqisë për zgjidhjen e krizës së borxheve, kryeministri Cipras ka hedhur në tavolinë një marrëveshje dy-vjeçare brenda euros për Mekanizmin e Stabilitetit Evropian (ESM). Kërkesa, që synon të shmangë pasojat e skadimit të afatit të pagesave në mesnatë, parashikon që ky institucion të mbulojë plotësisht nevojat financiare dhe ristrukturimin e borxhit. Cipras kërkon një borxh të ri prej 29 miliardë dollarësh deri në vitin 2017.

Rreziku nga kërcënimet e “ISIS” për vendet e Ballkanit ka bërë që Shqipëria dhe Mali i Zi të përforcojnë masat në pikat kufitare. Zv/drejtori i përgjithshëm i policisë së kufirit dhe migracionit Genc Merepeza i cilëson kufijtë të sigurtë për momentin, por shton se vigjilenca është maksimale. “2 vendet tona kanë instaluar në pikën kufitare të Muriqanit edhe sistemin e verifikimit për klandestinët, apo për shtetasit që kalojnë drejt vendeve të listës së zezë siç është Siria.

Arben Frroku ka dalë nga Shqipëria përpara se për të të jepej vendimi i Gjykatës së Apelit, Tiranë. Lajmi është bërë publik nga PD-ja, e cila madje ka deklaruar se Arben Frroku është takuar gjatë fushatës elektorale me Edi Ramën në ish- turizmin e Pukës. Lajmi nuk është përgënjeshtruar nga askush dhe me gjasë Frroku, ndodhet jashtë. Sot, portali “Lapsi.al” shkruan për një hollësi që nxit dyshime: Frroku ka dalë jashtë, madje raportohet se është ndaluar për 5 orë në kufirin malazezo-kroat, por asgjë nuk është regjistruar në sistemin TIMS.

Nuk është hequr dorë nga zakoni i vjetër. Vjedhje e blerje votash por dhe më shumë. Tanimë po qarkullon një video, të cilat kanë të bëjnë më zgjedhjet e 21 qershorit 2015, që i kthen zgjedhjet shqiptare vite më parë, kur kutitë e votimit mbusheshin masivisht nga komisionerët. Video është publikuar nga Partia Demokratike. “Partia Demokratike publikon sot një provë se si pushteti masakroi standardin për zgjedhje të lira më 21 Qershor. Në komunën Pult të bashkisë së re të Shkodrës, kutia e votimit nr.

Afati për Greqinë përfundon sonte në mesnatë por kancelarja gjermane Angela Merkel nuk sheh ndonjë shans tjetër të fundit për Greqinë. “Sonte, saktësisht në orën 24.00 programi do të ndalet. Dhe unë e di se nuk ka asnjë provë tjetër të besueshme”, tha Merkel gjatë konferencës për media pas takimit me kryeministrin kosovar Isa Mustafa në Berlin, njofton Express.