Lajme

Enti rregullator europian për Shëndetësinë ka rekomanduar sot aprovimin e vaksinës anti-CoVid-19 të zhvilluar nga BioNTech/Pfizer duke hapur rrugën për nisjen e vaksinimit më 27 dhjetor. Vaksina do të përdoret në moshat mbi 16 vjeç dhe sipas Agjencisë në fjalë, Komisioni Europian mund të ofrojë një autorizim të kushtëzuar marketing, që i hap dritën jeshile vendeve anëtare të BE-së për të nisur administrimin e vaksinës. Kreu i Agjencisë, Emer Cooke, e cilësoi momentin si një “arritje shkencore historike” ndonëse ka shtuar nuk është një pikë kthese për pandeminë.

Dikur ish-kryeministri i Greqisë, Alexis Tsipras, u shpreh se atë mund ta akuzojnë për çdo gjë, por jo për të korruptuar. Dhe në fakt ky është dallim i madh, themelor në referimin politik të ditëve të sotme. Dukuria “Tsipras”, e politikanit kundër sistem, nuk është shembull vetëm në Greqi. Italia, Ukraina, Trump vetë përfaqësojnë njëfarësoj raste të tilla. Por siç e dimë, me ardhjen e tyre në pushtet, sistemi askund nuk u vu në diskutim. Thjesht sistemi asimiloi edhe të tjerë përveç atyre që de facto i emëron.

Sekretarja belge e Buxhetit, Eva De Bleeker ka zbuluar pa dashje çmimet e vaksinave anti-CoVid-19. Sipas mediave belge ajo ka postuar në tuiter një listë të çmimeve për gjashtë vaksina që janë në qarkullim dhe të cilat BE mendon të përdorë për vaksinim masiv.

Çmimet variojnë nga 1.78 euro për një dozë në 18 dollarë për një dozë që është vaksina e zhvilluar nga Moderna.

Agjencia serbe e lajmeve “Tanjug” njofton se pala shqiptare dhe ajo serbe kanë protestuar për mungesën e vaksinës anti-CoVid-19 si pasojë e metodave të ndryshme në shpërndarjen e parashikuar nga BE dhe mekanizmi COVAX.

P.sh COVAX parashikon të shpërndajë vaksinat në Ballkanin Perëndimor jo më herët se muaji prill i vitit 2021, ndërkohë që vendet e BE-së nisin vaksinimin në datën 27 dhjetor. 

Arrin të masë edhe vibrimet e paperceptueshme që ndodhin në botën pafundësisht të vogël: është ora më e saktë atomike e bërë ndonjëherë, me një gabim prej më pak se 100 milisekonda brenda një fashe kohore sa mosha e universit, rreth 14 miliardë vjet.

E përshkruar në detaje në revistën “Nature”, ora atomike super e saktë është vepër e grupit të shkencëtarëve të Massachusetts Institute of Technology (MIT).

Gazeta “Tema” ka bërë sot një zbulim sipas të cilit prej kohësh ka një plan për të katapultuar Vetëvendosjen në Tiranë me synim përçarjen e të majtës.

Greqia pritet të marrë në dorëzim partinë e parë të vaksinave anti-CoVid-19 më 26 dhjetor të këtij viti dhe si fillim do të vaksinohet personeli mjekësor dhe popullsia mbi 65 vjeç. Bëhet fjalë për rreth 2.4 milionë njerëz. Autoritet greke mendohet se do të miratojnë vaksinën Pfizer më 22 dhjetor për të hapur rrugë përdorimit të saj për imunizimin e popullsisë.

Republika Çeke dhe Sllovakia kanë lëshuar së fundmi në deklaratë të përbashkët përmes së cilës kanë shprehur mosaprovimin e tyre me përfundimet e Këshillit të Europës mbi zgjerimin. Dokumenti në fjalë është propozuar nga presidenca gjermane dhe në qëndrimin e palës çeke dhe sllovake vihen në pikëpyetje ato që quhen “elementë të falsifikimit të historisë”.

Je optimist? “Po, sepse besoj tek shkenca. Dhe tek historia”. Historia? “Njeriu gjithmonë ka përdorur shkencën për të zgjidhur problemet që ka hasur. Kur isha fëmijë, një shok i imi në klasë kishte poliomelitin. Sot polio është zhdukur, sepse kemi vaksinën. Ja, besoj tek shkenca dhe tek historia”.

Imunologu Francesco Le Foche ka shkruajtur edhe një libër për këtë temë. “Po, çdo gjë do të shkojë mirë”, dhe këmbëngul që shpejt do të dalim nga ky makth.

Facebook do t’i zhvendosë të gjithë përdoruesit e saj në Mbretërinë e Bashkuar, duke dalë kështu jashtë juridiksionit të ligjeve të BE-së për privatësinë.

Ndryshimi hyn në fuqi vitin e ardhshëm dhe vjen pas një lëvizjeje të ngjashme të njoftuar në shkurt nga Google. Këto kompani dhe të tjera i kanë zyrat qendrore për Europën në Dublin. Por dalja e Britanisë së Madhe nga BE-ja do ta ndryshojë marrëdhënien e saj ligjore me Irlandën, e cila mbetet në Union.