Lajme

Që nga viti 2000, Shqipëria ka arritur të tërheqë 2.45 miliardë dollarë investime përmes formës së Partneritetit Publik Privat. Kjo shifër u evidentua në disutimet e zhvlluar në tryezën e sotme “Partneriteti Publik –Privat” me nismë të USAID*http://tvklan.al/web/usaid-te-behet-transparence-per-ppp/). Sipas përfaqësuesit të USAID-it në Shqipëri, Marcus A. Johnson, PPD-të janë një formë e mirë për të ofruar disa shërbime te publiku, por për to nevojitet transparencë.

Ka bërë bujë një fjalim i presidentit turk në Stamboll, përmes të cilit ai sulmoi sjelljen e disa përfaqësuesve diplomatikë në Turqi. Recep Tayip Erdogan thuhet se ka sulmuar veçanërisht Konsullin e Përgjithshëm të Britanisë së Madhe, Leigh Turner, i angazhuar për çështjen e një gazetari që po gjykohet për akuzën e spiunazhit. “Turneri pati ndjekur të premten me disa diplomatë të huaj, midis tyre edhe me ambasadorin gjerman, Martin Erdmann, hapjen e procesit gjyqësor shumë të diskutueshëm kundër dy gazetarëve kritikë ndaj qeverisë, Can Dündar dhe Erdem Gül.

Qyteti i vjetër ndodhet brenda murit të ndërtuar nga Sulejmani i Madhërishëm, pasi osmanët e morën qytetin më 1517. Fotot i përkasin fundit të epokës otomane e cila u mbyll në vitin 1917. Sot shohim pamjet që na janë shumë familjare me pamet e qyteteve shqiptare të të njëjtës periudhë. Emri i qytetit: Jeruzalem. 

http://mashable.com/2016/03/29/ottoman-jerusalem/#XobnwKdUqkq9

Komisioni Hetiimor për Serverin e Tatimeve ka vijuar edhe sot me pyetjen e zyrtarëve të ndryshëm të Drejtorisë së Tatimeve. Mirëpo në ndryshim nga deklaratat e ish-ministrit Shkëlqim Cani, i cili para komisionit u shpreh i sigurtë se ka patur ndërhyrje, drejtues të DPT-së, mohojnë të kenë patur dijeni për një gjë të tillë. “Ka patur hakerim të faqes së internetit, por jo ndërhyrje në sistemin e të dhënave”, deklaroi sot Aliaj specialistja e sektorit të Teknologjisë dhe Informacionit, Alekta Aliaj.

Në vitin 1970 Elvis do të takonte presidentin Nicson. Dy figura të kundërta, por që siç dëshmohet nga njerëz të afërt të tyre, u lidhën në një ndjenë miqësie që me takimin e parë. Prelesy kërkoi një bexh të FBI-së, meqenëse ishte koleksionist, duke shprehur paraprakisht me një letër "gatishmërinë për t'i shërbyer vendit". BBC-ja shkruan se ky takim është më i kërkuari në Arkivën Kombëtare të ShBA dhe nisur nga ngacmimi i kuriozitetit që përcjell së fundmi është menduar që të realizohet edhe në një film.

Deputetët Flamur Noka, Genti Strazimiri, Genc Pollo, Albana Vokshi, Arben Ristani, Asllan Dogjani, Gert Bogdani dhe Edi Paloka, u kallëzuan nga policia pas protestës të së hënës. Akuzat janë “organizimi dhe pjesmarrja në grumbullime e manifestime të paligjshme”, “Shkatërrimi i pronës”, “Kundërshtim i punonjësit që kryen një detyrë shtetërore ose një shërbim publik”, “Prishja e qetësisë publike” dhe “Prodhim dhe mbajtja pa leje e armëve luftarake dhe e municionit”.

Që prej orës 8 e 30 të mëngjesit kur avioni Air bus 320 i Egypt Air bëri ulje të detyruar në aeroportin Larnaka të Qipros, autoritet u vunë në alarm për të zbardhur detajet e pengmarrjes. Fillimisht  u tha se pengmarrësi ishte Ibrahim Samaha, nje shtetas amerikan me origjinë egjiptiane, profesor i Veterinarisë në Universitetin e Atlantës, por ministria e Jashtme Egjiptiane përgënjeshtroi lajmet dhe doli me njoftimin se autori është Seif Edin Mustafa, oficer i ushtrisë egjiptiane. Kërkesat e tij mësohet se kanë qenë politike dhe lidhen me mbajtjen në burg të disa grave në Egjipt.

Presidenti i Parlamentit Europian, Martin Schulz  vizitoi këtë të martë Qipron, nga ku deklaroi se është koha që ishulli të bashkohet, në mënyrë që edhe Europa të jetë e bashkuar. “Është koha për ribashkimin e Qipros sepse pa bashkimin e Qipros Europa nuk mund të jetë e bashkuar”-theksoi Schulz gjatë fjalës në parlement. Kreu i PE-së shtoi se shtetet kombe kanë treguar se kanë ditur të bashkëjetojnë në hapësirën europiane dhe një zgjidhje për Qipron do t’i japë fund status quo-së shumëvjeçare pas pushtimit të një pjese të ishullit në vitin 1974 nga Turqia.

Rritja e lartë dyshifrore me rreth 16% e të ardhurave në buxhet për 2 mujorin ishte një sinjal pozitiv se financat i lanë pas problemet e vjetshme, kur zgjerimi real ishte afër zeros dhe plani nuk u realizua për asnjë muaj, duke detyruar rishikimin e buxhetit në mes të vitit dhe duke e mbyllur vitin me 35 miliardë lekë mangur nga plani fillestar. Megjithatë, të dhënat e detajuara tregojnë se performanca e mirë e financave ka ardhur nga janari, ndërsa shkurti ka qenë një muaj tepër i dobët.