Lajme

Rasti i Klement Balilit po nxjerr në dritë se deri ku i ka zgjatur duart politika në aktivitete kriminale, mbrojtjen e tyre apo edhe mbështetjen e forcës elektorale mbi njerëz që kanë lidhje me botën e jashtëligjit. Deklaratat e sotme flasin për një instrumentalizim të çështjes e cila për fat të mirë ka nisur nga jashtë.

Dy standarde nga LSI

Ministri i Drejtësisë, Ylli Manjani, deklaroi sot se Balili është shkarkuar nga detyra, pasi sipas tij “ky është minimumi që mund të bëhet në rastet kur zyrtarë të ndryshëm Përfliten”.

Ministrja e Mbrojtjes Mimi Kodheli i ka dhënë një intervistë agjencisë gjernane të lajmeve “Deutsche Welle” në kuadër të vizitës së saj në Gjermani. Kodheli është pyetur për shumë gjëra, por komentet e saj kanë rëndësi në disa çështje, pasi paraqesin pikëpamjen e qeverisë aktuale dhe angazhimet e saj.  

Zgjerimi i NATO-s,  zona rreth Serbisë e pasigurtë. Maqedonia ka ende rrugë për anëtarësimin

I takoi ministrit të LSI-së Ylli Manjani të japë lajmin e shkarkimit të Drejtorit të Transportit të Sarandës, Klemend Balili. Në një dalje rastësore për mediat Manjani tha se ishte në dijeni të hetimeve dhe se sot kishte mësuar për shkarkimin e Drejtorit të rrugëve në Sarandë. Sipas tij, gjithkush ka mbi kokë shpatullat e veta dhe duhet të mbajë përgjegjësi personale, pasi LSI nuk pengon asnjë të korruptuar të shkojë në burg. “Cilido person, “i fortë“, Ministër, zyrtar, çfarëdo qoftë, nëse ka shkelur ligjin duhet të jetë prapa hekurave. Askush nuk ka mbrojtje nga politika!

Teksa një Drejtor i Lartë i Administratës Publike është nën akuzë si një prej drejtuesve kryesorë të një prek karteleve më të mëdha të drogës në Europë, si qeveria ashtu dhe opozita kanë devijuar deklaratat dhe diskutimet për zyrtarin që akuzohet për lidhjet me Ilir Metën dhe bashkëpronësinë e hotelit “Santa Quaranta” në bregdetin e Sarandës. Gjatë diskutimeve në seancën plenare kryeministri Edi Rama nuk tha asnjë fjalë për Drejtorin e Administratës së tij  të emëruar nga LSI, duke mos atakuar aleatin e ngushtë në qeveri, Ilir Meta.

Kryeministri i vendit Edi Rama, ka deklaruar sot në fjalën e tij në Parlament, se reforma në drejtësi u jep fund ndër të tjera strukutrave që aktualisht kontrollohen nga opozita. “Po të ishit kaq apasionantë për të luftuar krimit, duhet të ishit ju të parët që të prisnit pas derës te komisioni për reformën dhe jeni ju që i shmangeni asaj. Nxirrni përralla për të shtyrë reformën në drejtësi.  Ju i ikni reformës në drejtësi, sepse shemb piramidën e sotme të drejtësisë dhe të gjithë strukturat dhe mekanizmat që ju kontrolloni bie.

Gazeta “Kathimerini” ka zbardhur të tjera detaje mbi dosjen e organizatës ndërkombëtare të trafikut të drogë ku është i implikuar Drejtori i shkarkuar i Transportit të Sarandës, Klemend Balili. Në dëshminë e oficerit të Prokurorisë nënvizohet se rolin udhëheqës në Organizatën Kriminale e kishte  50 vjeçari shqiptar Dhimitër P, rezident Belgjikë. Ai përdorte pseudonimin «Valter», posedon shtëpi në Tiranë dhe Athinë, në bankat greke iu gjetbn depozita (366.000 euro), nb Shqipëri (460,000 euro) dhe në Belgjikë (100.000 euro).

Me qëllim ndalimin e rikandidimit të ish-deputetit Koço Kokëdhima, të cilit Gjykata Kushtetuese i ndërpreu mandatin për përfiitime të fondeve publike, Partia Demokratike i propozon parlamentit një amendament që synon të pengojë rikthimin e tij në politikë.

Arkitekti duhet të bëjë të pamundurën që ta hollojë apo të ulë lartësinë apo volumin e kullës së stadiumit të ri. Mësohet se anëtarët e KKT-së kanë propozuar që arkitekti ta sjellë kullën në lartësi të pranueshme. Është propozuar që lartësia të vijë në harmoni me lartësëinë e Korpusit. Drejtori i Stadiumit Kombëtar “Qemal Stafa” dhe anëtar i bordit të Shoqërisë Kuq e Zi, Eduard Prodani është shprehur se “Di që po punohet për stadiumin. Mbledhja e KKT-së ka lënë disa detyra, mes të cilave edhe uljen në volum apo hollim të kullës.

Aleanca LGBT dhe ProLGBT, dy organizatat kryesore për të drejtat e komunitetit LGBT në Shqipëri kanë prodhuar një spot televiziv në kuadër të Ditës Ndërkombëtare për Familjen (15 maj) dhe Ditës Ndërkombëtare Kundër Homofobisë (17 maj). Në spot tregohen momente nga jeta e përditshme e një çifti lezbikesh të cilat rrisin së bashku fëmijën e tyre. Ai mbyllet me mesazhin “Familja është dashuri dhe përkujdesje”, duke ngritur një çështje themelore për të drejtat e komunitetit LGBT në Shqipëri, siç është e drejta për njohjen ligjore mes partnerëve të të njëjtit seks.

Shteti Islamik dhe aktorët që qëndrojnë pas tij kanë arritur të imponojnë një momentum për të dalë në skenarë të rinj me pasoja strategjike për Lindjen e Mesme. Sot njoftohet se pas disa sulmeve që ISIS kreu në zonat fqinj me Bagdadin, duke vrarë rreth 90 persona, reagimi nga rajoni kurd i Kirkukut sinjalizon ndryshime të mëdha. Guvernatori i këtij rajoni të dominuar nga kurdët, dr. Najmaldin Karim, deklaroi para disa reporterëve në zyrën e Qeverisë Rajonale të Kurdistanit në Uashington se “Kirkuk duhet të shkëputet nga Bagdadi”.