Lajme

Disa persona të amratosur morën peng policët në një stacion policor në kryeqytetin armen, Jerevan, duke kërkuar lirimin nga burgu të disa aktivistëve opozitarë, mes të cilëve, Jirair Sefilian, i akuzuar për organizim protestash. 

Ai që duket se ka dilemat më të mëdha pas mesazheve të Ilir Metës është kryeministri Edi Rama. Ndodhet para faktit publik ku një pjesë e qeverisë është shprehur kundër variantit të pjesës tjetër të qeverisë për reformën në drejtësi.
Praktikisht fjalimi i Metës zbuloi se Edi Rama deri dje ka folur në emër të një axhende personale që e promovon nga facebook-u dhe jo si kryeministër i një mazhorance. I paaftë të marrë përgjegjësinë për të udhëhequr negociatat me opozitën, kryeministri i la përgjegjësinë ambasadës amerikane për të zgjidhur çështjen e reformës në drejtësi.

Partia Demokratike ka paralajmëruar sot përmes deputetit Alban Zeneli, anëtar i Komisionit Parlamentar të Sigurisë, se do të publikojë pamje filmike dhe foto që lidhen me grabitjen në Rinas. Zeneli ka akuzuar ministrin e Brendshëm Sajmir Tahiri, si një zyrtar që po përpiqet të fshehë implikimin e tij në këtë histori.

Ai që quhet koalicion mes Partisë Socialiste dhe Lëvizjes Socialiste për Integrim duket se ka përfunduar dhe është inekzistent, të paktën sa i përket reformës në drejtësi. Në një dalje të nervozuar para mediave, kreu i LSI-së, njëkohësisht kryetar i Kuvendit të Shqipërisë, Ilir Meta, ka deklaruar hapiur se çdo reformë e miratuar pa konsensus me opozitën, pa integritetin e nevojshëm, do të çonte Shqipërinë në një situatë të ngjashme me Maqedoninë.

Shtetet e Bashkuara të Amerikës do të marrin në konsideratë kërkesën e Turqisë për largimin nga vendi të Fetyllah Gulen, nëse Ankaraja zyrtare do të paraqesë prova legjitime për akuzat që bën. Gjatë një konference për shtyp nga Luksemburgu ku ndodhet për një vizitë, sekretari amerikan i Shtetit, John Kerry, deklaroi se duhen prova në mënyrë që SHBA të gjykojë mbi një kërkesë për Gulenin. Më herët, presidenti turk, Erdogan, deklaroi se "nëse jemi partnerë strategjikë, atëherë duhet të kryhet ekstradimi i një terroristi". 

Shtetet e Bashkuara të Amerikës kanë reaguar pas insinuatave të ministrit turk të Punës, se pas grushtit të dështuar të shtetit, qëndron Washingtoni. Sekretari amerikan i Shtetit, John Kerry, i cilësoi këto insinuata si false dhe të dëmshme për marrëdhëniet mes dy vendeve. Por ndoshta një krizë diplomatike mes dy vendeve është duke u aktualizuar, pas deklaratave të zyrtarëve turq, se kush mbështet Fetyllah Gulenin, është në luftë me Turqinë. Ky i fundit është rezident në ShBA prej 15 vitesh dhe së fundmi kërkohet nga Ankaraja zyrtare si përgjegjës për grushtin e shtetit.

Paskal Milo , ish-ministër i Jashtëm dhe kryetar i Partisë Demokracia Sociale, i ka dhënë një intervistë gazetës “Shekulli”. Milo thotë se ndërhyrja e huaj nuk ndodh për herë të parë në Shqipëri, se reforma në drejtësi herët apo vonë do të miratohet, por sugjeron zgjidhje politike. Sipas tij ky është një parlament i mbushur me njerëz të rrugës dhe për këtë ka përgjegjësi Partia Socialiste, e cila duhet të dëshmojë shkëputjen nga ky kontigjent. Më poshtë intervista me shkurtime:

Me ndjenjën e krenarisë dhe të ven erimit të thellë inauguruam bustin e Fan Nolit, njërit prej figurave emblematike të historisë dhe kulturës shqiptare, frymëzuesit dhe themeluesit të Kishës Ortodokse Autoqefale të Shqipërisë. Ngritja e bustit të tij në qytetin tuaj nuk është rastësore dhe as formale. Durrësi është pjesë e pandarë dhe tepër e çmuar e jetës së tij si atdhetar, burrë shteti dhe udhëheqës shpirtëror.

Skandali i mashtrimit me emetimin e gazrave të dëmshëm nga industria e automobilëve duket se është më i madh sesa emri i një kompanise si Volkswagen, apo disa kompanive. Revista gjermane “Der Spiegel” raporton për ekzistencën e disa dokumenteve të brendshme, poseduara prej saj, sipas të cilave rezulton se Komisioni Europian, ka qenë në dijeni të këtij mashtrimi që në vitin 2010. Skandali doli në sipërfaqe për publikun vetëm në vitin 2015, ndërkohë që vetë qeveria gjermane, u ka qenë i informuar për takime lidhur me këtë çështje që në vitin 2012.

Prokuroria e Përgjithshme ka njoftuar sot përmes një konference për shtyp se në përfundim të një hetimi, gjyqtarja e Gjykatës së Lartë, Majlinda Andrea, dyshohet për përfshirje në një skemë korruptive. Prokuroria sqaroi se ka lëshuar një urdhër pezullimi për gjyqtaren dhe urdhër arresti bashkëshortin e saj, Odisea Andrea, për shkak se dyshohet se kanë marrë 50 mijë euro për një vendim gjyqësor.

Supriza e kësaj çështjeje: Gjyqtarja është larguar nga Shqipëria bashkë me bashkëshortin.