Lajme

Sot mediat kryesore në Europë njoftojnë se qeveria turke, në krye të së cilës de facto është presidenti Reccep Tayyip Erdogan, ka mbyllur 130 organizata mediatike, mes të cilave televizione, gazeta, shtëpi botuese. Është një hap i fundit i radhës në atë që po ndodh në Turqi pas tentativës së dështuar për grusht shteti më 15 korrik. Një grusht i formuluar zyrtarisht si i tillë pas të cilit Erdogan ka arritur të imponojë një tërmet shtetëror, institucional e njerëzor me magnitudë të lartë: nga 6000 të arrestuar, 2745 janë gjyqtarë.

Dje Partia Demokratike deklaroi përmes deputetes Jorida Tabaku se me ardhjen në pushtet do të anulohet koncesioni i fundit për rrugën Durrës-Kukës, i cili u vendos atyre që lëvizin në atë rrugë një tarifë të lartë. Ky është një deklarim shumë problematik dhe me gjasë me axhendë tjetër nga ajo që lidhet me interesin e shqiptarëve.

Vendimi i qeverisë shqiptare për të ulur kufirin e patatueshëm të blerjeve online në 22 euro ka provokuar një debat në mbledhjen e djeshme. Ai zbardhet nga gazeta “Panorama” dhe provon se halli i Ministrisë së Financave nuk është aspak rritja e të ardhurave, por sepse është cenuar konkurenca e ndershme. Ahmetaj ka debatuar me Manjanin, ministër i Drejtësisë dhe shihet se ndonëse argumentet e tij, teorikisht qëndrojnë, për asnjë çast ministri nuk vlerëson tek blerjet online një rrugë me më pak kosto për qytetarë që nuk janë të gjithë tregëtarë dhe që nuk kanë ofertë në vendin e tyre.

Gjatë mbledhjes së djeshme të Këshillit të Ministrave u vendos që të jepen dy zona plazhi në përdorim për 20 vite bazuar mbi ligjin e investimeve strategjike të kaluar në Kuvend gjatë vitit 2015. Bëhet fjalë për dy ndër rastet e para të aplikimit të këtij ligji. Kujtojmë që ligji u kalua me njëfarë urgjence vitin e kaluar sepse mendohej se do të plotësonte një boshllëk në legjislacionin vendas krahasuar me vendet fqinje.  Maqedonia, Mali i zi si dhe Serbia kanë përfituar nga investime të huaja direkte në vlera të konsiderueshme gjatë viteve të fundit.

Kina pretendon se ka zbuluar vrimën më të madhe në Tokë - 300 m e thellë. Një shpellë e vërtetë 'vertikale'. Ajo ndodhet në territorin detit të Kinës Jugore, në ishujt Paracel, që pretendohen nga Kina, Tajvani dhe Vietnami. 

Fatmir Xhafa tha sot se ndërkombëtarët kanë kërkuar futjen me procedurë të përshpejtuar të Ligjit të Vettingut ose siç njihet ndryshe Ligji për Vlerësimin e Gjyqtarëve dhe Prokurorëve, duke kërkuar që ligji madje të miratohej këtë të enjte, ndonëse procedura e kërkonte që miratimi i 7 ligjeve shoqëruese të paketës të reformës në drejtësi të bëhej 15 ditë pas dekretit të presidentit.

Një pjesë e vijës bregdetare në Palasë e Himarë do t’i jepet për 20 vjet në përdorim një resorti turistik që po ndërtohet nga Balfin Grup,  që drejtohet nga Samir Mane. Vendimi është publikuar në faqen zyrtare të qeverisë, ku thuhet se  qeveria vendos lejimin e përdorimit të brigjeve të detit dhe të zonës përkatëse në funksion të realizimit të projektit investues strategjik “Green Coast”, Palasë, Himarë, zona kadastrale 1481-1739, i cili ka përfituar statusin e investimit strategjik, procedurë e veçantë, me vendimin nr.2/13, datë 14.7.2016, të Komitetit të Investimeve Strategjike.

Majlinda Bregu, kryetare e Komisionit Parlamentar të Integrimit dhe një aleate e nënkuptuar e Edi Ramës në procesin eventual të votimit të reformës në drejtësi pa konsensuin e PD-së, tha sot për AbcNews se kalimi i ndryshimeve kushtetuese dhe ligjeve shoqëruese, mund të çojnë në propozimin nga Komisioni Europian, për çeljen e negociatave për anëtarësim në BE.  7 ligjet që po diskutohen duhet të miratohen para muajit tetor, kur edhe publikohet raporti vjetor, në të cilin sipas Bregut, mund të ketë një propozim nga Komisioni.

Kryeministri Rama ishte i pranishëm në inagurimin e një sistemi të ri të furnizimit me karburant për makinat e policisë.  Një projekt-test me 150 automjete rezultoi i suksesshëm, çka nënkupton që furnizimi nuk do të bëhet më me tollona, por do të kontrollohet on line përmes kartave elektronike. “Falë lidershipit të ministrit dhe një skuadre njerëzish të prirur për të bashkuar teknologjinë me njeriun në Policinë e Shtetit, është një sektor lider në këtë revolucion teknologjik.

Deputeti i Partisë Demokratike, Oerd Bylykbashi, ka dërguar sot një letër kolegut të tij socialist, Fatmir Xhafa, përmes së cilës kërkon zbatimin e procedurave për miratimin e ligjeve në kuadër të reformës në drejtësi. Bylykbashi bën thirrje për heqje dorë nga manovrat që synojnë axhenda të tjera përtej reformës në Drejtësi. Në foto letra e plotë"