Lajme

Skenari i qeverisë teknike, formalisht si kusht për zgjedhje të lira, zyrtarizohet si axhendë kryesore e opozitës parlamentare. Në një prononcim për “AbcNews”, kreu i Partisë Demokratike, Lulzim Basha, ka deklaruar se qeveria teknike është e vetmja mënyrë për të siguruar integritetin e zgjedhjeve.

Artan Lame, drejtuesi i ALUIZNI-t dhe një farë personi publik i angazhuar për ruajtjen e trashëgimisë në Tiranë, ka përcjellë në profilin e tij në Facebool, një ndjesë për prishjen e fasadës së stadiumit "Qemal Stafa". Ai publikon edhe një foto të vjetër të saj, e hedhur në shesh tashmë, e rrënuar nga punimet dhe e "mbrojtur" nga deklaratat qorre të Institutit të Monumenteve.

Serbia ka qeverinë e re e cila ka marrë miratimin në Parlament. Ajo do të drejtohet edhe njëherë nga Aleksander Vuçiç dhe do të ketë 16 ministra. Në votim ajo mori 163 vota pro, 62 kundër, ndërkohë që 25 deputetë nuk ishin të pranishëm. Ivica Daçiç ruan pozicionin e ministrit të Jashtëm dhe bëhet edhe zv.kryeministër i parë. Zv.kryeministër dhe ministër i Brendshëm është caktuar Nebojsha Stefanoviç, ndërkohë që ministër i Mbrojtjes do të jetë, Zoran Xhorxheviç.

Ivanov, një koleg i presidenti rus në shërbimin e dikurshëm sekret, do jetë përfaqësues special për çështjet e Mjedisit dhe të Transporteve. Kjo është lëvizja e parë e nivelit të lartë në Kremlin në disa vite. 

Deri në fund të korrikut më shumë se 1700 biznese kanë ankimuar të Komisioni i Prokurimeve Publike, pasi nuk kanë qenë dakord me vendimet që kanë marrë institucionet dhe shoqëritë publike. Numrin më të lartë të ankesave e kanë kryer subjektet e tregtimit të ilaçeve dhe policitë private.

"TemaTv"

Kryeministri Edi Rama ka pranuar sot se fasada e stadiumit “Qemal Stafa” është prishur, por gurët janë ruajtur.  Dhe me emrin e Gherardo Bosio në dorëshkrimin e vet në Facebook, që referohet përherë nga Artan Shkreli, kryeministri ka bërë këtë sqarim:  

Partia Socialiste, e cila po udhëheq reformën në drejtësi me shumicën e propozimeve të saj të rrëzuara nga Komisioni i Venecias, vijon ta konsiderojë këtë proces si atribut të ekskpertizës së saj politike dhe juridike,  duke aplikuar standarde të ndryshme edhe kur vjen fjala për atë që mund të quhet thelbi i reformës, kontrollin e pastërtisë së figurës së gjyqtarëve dhe prokurorëve.

Reforma në drejtësi dhe sidomos pjesa e ndryshimeve kushteuese që lidhet me të u trajtuan shumë në media muajt e kaluar. Por pa bërë asnjëherë një inspektim teknik të drafteve që mbaheshin edhe të fshehtë, pa një debat të hapur. Ndonëse reforma u promovua si reformë ekspertësh, ajo përfundoi në një proces politik presioni e shantazhi për nene dhe dispozita që amendoheshin dhe u ndryshuan sa për frymë antikushtetuese, aq edhe për të hequr kamzhikun nga duart e një krahu politik.

Para disa ditësh u bë e njohur ekzistenca e një raporti të Kontrollit të Lartë të Shtetit, në zotërim ky edhe nga Prokuroria e Përgjithshme, sipas të cilit në Bankën e Shqipërisë janë konstatuar 21 milionë dollarë dëm. Kjo u lidh me çështjen Fullani, ish-guvernatori i përfshirë në skandalin e vjedhjes së 713 milionë lekëve. Fullani doli i pafajshëm, por raporti i KLSH-së flet për 21 milionë dollarë dhe kjo detyron rihapjen e hetimeve si dhe një hetim brenda vetë prokurorisë që nuk ka lëvizur gishtin për këtë gjë.

Qeveria shqiptare duket se do të ketë një tjetër përballje ligjore me investitorët vendas e të huaj. Një VKM e qeverisë  që i detyron konçesionarët në fushën e energjisë së rinovueshme që të prishin kontratat e lidhura me KESH sh.a dhe të nënshkruajnë një kontratë të re me OSHEE kanë ngjallur reagimin e ashpër të Shoqatës Shqiptare të Energjisë së Rinoveshme.