Arkiv-Lajme

Pas dështimit të Kuvendit në zgjedhjen e presidentit në raundin e parë, duket se deklaratat publike në media janë zbehur gjatë ditës ë sotme dhe negociatat kanë filluar të jenë më intensive në takime direkte dhe indirekte të lojtarëve kryesorë (http://respublica.al/artikuj/2012/5/31/gjasat-jane-qe-do-kemi-nje-kandidat-konsensual-ne-votimin-e-dyte-per-president-te).

Të gjithë ata që kanë një ndërtesë për të legalizuar do të duhet të paguajnë më shumë para tashmë. Thuajse i gjithë shtypi raporton sot për ndryshime në tarifën e legalizimit të miratuara dje gjatë mbledhjes së qeverisë.

‘Zëri’ i Prishtinës në versionin online komenton një artikull të gazetës serbe Press, ku raportohet nga gazetari Gariç lidhur me ndeshjen finale të kompeticionit Champions League (linku për ata që dinë serbisht: http://www.pressonline.rs/sr/vesti/Dnevni_magazin/story/221665/No%C4%87+kada+su+Nemci+nau%C4%8Dili+da+pla%C4%8Du.html). Përse është fjala?

Një burim i mirinformuar i respublica.al na njofton se sot rreth orës 4 të mëngjesit është arritur konsensusi për një kandidat për President të Republikës, i cili mund të marrë shumicën dërrmuese të votave në Kuvend. Sipas burimit, informacionet e të cilit na kanë rezultaur të sakta në të kaluarën, Ilir Meta ka qenë strumbullari i negociatave mes Ramës e Berishës. Sidoqoftë nuk kemi detaje mbi logjistikën e bisedimeve.

Në mbledhjen e Grupit parlamentar të PS-ka ka patur shkëndija debati mes Ramës nga njëra anë dhe do deputetëve nga ana tjetër. Erjon Braçe ka kërkuar në këtë mbledhje që PS-ja të dalë me emra konkretë, rrjedhimisht duhet të heqë dorë nga strategjia “është procesi me rëndësi, e pastaj emrat”. “Ne duhet të jemi konkretë”, raportohet nga Panorama të ketë thënë ai.

Ka kaluar pa marrë vëmendje një sulm i Ilir Kullës, eminencës gri të Fatos Nanos, mbi Xhezair Zaganjorin. Në një program të televizionit Ora News (vetëm shqiptarja.com i referohej sot), Kulla i dha momentit presidencial ngjyrat e një fushate elektorale, e në këtë kuptim, ai tentoi të ndriçonte anë të panjohura të jetës e të karrierës së Zaganjorit. Ky i fundit, sipas Kullës, ka lënë për ca ditë punën e ambasadorit në vitin 1994, dhe është kthyer në Shqipëri për t’i dhënë një dorë Berishës në fushatën për kushtetutën, që u refuzua me votë plebishitare.

“Jam plotësisht i qartë për çfarë thashë kur isha në Tiranë pak kohë më parë”, tha para ca orësh për Top-channel-in komisioneri për Zgjerimin i BE-së, Stefan Fule në përgjigje të një pyetjeje të gazetares Arta Tozaj lidhur me raundin e parë të procedurës presidenciale në Kuvendin e Shqipërisë. Fule është një politikan i manierave të buta dhe i bon ton-it, por këtë herë ka përdorur një ton arrogant.

Xhezair Zaganjori bën daljen e parë publike, e cila, nëse nuk zgjidhet President, do të jetë dhe e fundit (po të besojmë se ai do të vijojë, si deri më sot, të mos mbajë një profil publik).

Pak orë pasi Kuvendi ezauroi raundin e parë të votimit për presidentin, pa asnjë kandidat, Zyra e Shtypit e këtij institucioni ka dërguar në e-mailet e gazetarëve një procesverbal votimi të datës 24 dhjetor të vitit 2002, kur parlamenti i drejtuar nga të majtët votonte me 84 vota pro emërimit të Xhezair Zaganjorit si anëtar i Gjykatës Kushtetuese. E-maili përbëhet nga vetëm një foto dhe ka një tekst shpjegues shumë të shkurtër: "Votimi i parlamentit për z. Xhezair Zaganjorin si anëtar i Gjykatës Kushtetuese".

Pak orë pasi Kuvendi ezauroi raundin e parë të votimit për presidentin, pa asnjë kandidat, Zyra e Shtypit e këtij institucioni ka dërguar në e-mailet e gazetarëve një procesverbal votimi të datës 24 dhjetor të vitit 2002, kur parlamenti i drejtuar nga të majtët votonte me 84 vota pro emërimin e Xhezair Zaganjorit si anëtar i Gjykatës Kushtetuese. E-maili përbëhet nga vetëm një foto dhe ka një tekst shpjegues shumë të shkurtër: "Votimi i parlamentit pwr z. Xhezair Zaganjori si anwtar i Gjykatws Kushtetuese".